2012年1月31日星期二

31-Jan-2012 1月回顧

我想很多人都估不到大市在1月已經升破2萬點,但其實以如此低的估值,在沒有重大壞消息之下,市場總會回歸合理價值。其實大家覺得2萬點是平還是貴呢?

1月進行了一些風險回報比的資金分配,期間新買入的2468只因個人認為價格極度低殘(PS:其實市場上很多細價股都是價格極度低殘),但不確定風險較大,所以比重較低。

從來影響股市發展的是未來的不確定性,而中國經濟放緩和歐債危機應該已經在上年得到很大程度上的反映,但坊間還有不少分析強調這兩個已經確定的問題來預測股市,結果變了明燈是預期中事。本人已經講了很多次,我們可以分析股市,但不能預測股市。股市的長遠價值必定是由企業盈利的增減來決定,不過給予的估值是由市場情緒控制。

記得海嘯後很多人說長線投資已死,但看看210的股價,連海嘯前最高位都升穿了,即是上市後任何一點買貨的人到今天都有賺,那麼長線投資是否已死。當然選錯股和選錯價來作長線投資真的會死,還是死得很慘那種。當大家只想今天買,過幾天升數個%便放的時候,想想如果只花一天時間去分析(我分析連跟進可能真的連24小時都沒有),然後就賺上數倍利潤時,滿足感會是多大。今天看到210收市價$10,再回想海嘯後$2.x開始介入此股持有至今(最重倉那隻),有點感從中來。

注:警告大家不要長線投資周期股。


02-Feb update:
增持 2% 3998。

03-Feb update:
增持 2% 3998。

08-Feb update:
增持 2% 3998。

16-Feb update:
增持 10% 2468。

現金 0.17%

182 則留言:

  1. 豬豬 ~ 真是強, 又有耐性 :)

    回覆刪除
    回覆
    1. 已經話過耐性係投資者必要條件

      刪除
    2. 你的長期回報會話你知沒耐性有什麼後果, 哈哈.

      刪除
    3. 投資必要耐性,投機必要看到別人看不到的。

      刪除
    4. 我好多時好有耐性持有現金, 唔知算唔算 ^^''

      刪除
  2. Pig sir, 2338, 3339, 868, 347是否周期股?

    回覆刪除
    回覆
    1. 全部都係, 非周期股係就算經濟差, 人都要大量用佢產品. 正如金融海嘯都大把人去食M記, 咁M記就唔係周期股. 買周期股就要隨時留意周期幾時完, 要提早走人, 唔係既話周期一完呢d股可以跌到嚇死人, 又唔知幾時返家鄉.

      刪除
    2. 除左選股, 選價更重要, 如果你高價買入, 可以話是否周期股你都要面對高風險.

      刪除
  3. 小豬勁, 跟著小豬的股市操作,本年回報有14.85%, 已追回去年一半損失, 希望過了2月能有正回報, 去年共損失24.57%

    回覆刪除
    回覆
    1. 其實單單持有國指乜都唔做都已經好好回報.

      注意風險, 唔好以為第一個月回報好就放心, 時刻注意風險, 戒高追, 留後備現金.

      刪除
  4. 一月有六次交易, 三次減持, 三次買入, 模仿小豬操作

    回覆刪除
    回覆
    1. 其實大家持股同倉位比重唔同, 模仿我都唔一定對你有好處.

      不過投資心態模仿我就ok, 哈哈.

      刪除
    2. 是模仿心態, 沽出用後備資金在低位買進的那注, 任務完成退出,買入等了好久已到價的股票

      刪除
  5. Hi pig sir, 點睇周期幾時完呢

    回覆刪除
    回覆
    1. 每隻周期股既周期性都唔同, 有d睇環球經濟, 有d睇庫存量, 有d睇原料價格, 有d睇消費周期, 我冇研究過唔識. 當然唔識我就唔會買啦.

      刪除
  6. 早晨, 豬兄!! ^^

    喜讀您的新文章, 小弟獲益良多, 謝謝!! >3<

    回覆刪除
  7. 此留言已被作者移除。

    回覆刪除
  8. 其實週期股也可長線持有,買入點很簡單,就係當佢發盈警畤。不過唔好買太多(因為壓力會好大),買入後最好連紀錄都删除,你話週期股好似尋日大瀉就輸唔少,或者睇下佢地10年前股價再說也不遲.

    回覆刪除
    回覆
    1. 唔係同你爭辯, 但由你話"唔好買太多"已經講左個弱點反駁返自己. 點解巴菲特咁巨量既資金都有信心買可樂20%比重以上. 你要認真想想何謂真正的長線投資, 你的說法實在很像賭大細的心態.

      刪除
    2. 比一些周期股你參考下, 1919, 272等, 看看上市後的股價再說吧. 天底下必定找到好的和壞的例子, 但你已經說了沒有人有信心去重倉賭這些周期股, 又何來長線投資之理, 說長線投機還說得過.

      刪除
    3. 重倉週期股的人真的不多,事實上買股票而肯持有多年的亦很少,對我這種小散戶來說,當然只可小額投資了,每樣買少少等運到!

      刪除
    4. 周期股有周期股既投資方法, 唔係買入閉眼長持咁簡單, 要安全投資周期股花既精神多過非周期股好多. 好似我買既太陽能股就係周期股既一種. 之前賣哂3800就係認為周期就黎完, 再買返就係認為周期可能又再開始, 留意估計呢d周期花既時間多過我買非周期股.對於想買入都唔多想理既人, 周期股絕對不是安全之選.

      記得有位blog界專推長揸既名人就係買左太陽能股, 今天此股仲係蝕左8成以上, 咁你明長揸周期股幾咁危險.

      刪除
    5. 我個倉大部份都係周期股。

      刪除
    6. 聽完閣下所說,我就更有信心長線投資週期股了,因為我最鍾意就係買完后瞌埋双眼懶理,經過十幾年嘅投資經驗,我咩都學唔到,淨係識隨心買賣而已!

      刪除
    7. CUP sir 之前有殘股基金,而我80萬的組合全都是殘股
      ,20多元的思捷,9,10元以上的中海發展,29元的中人壽,都係已半殘廢的股,最快都係6月底先睇佢地·

      刪除
    8. CUP: 周期股好炒.

      Manfred_1234: 你好似唔係瞌埋雙眼懶理喎, 你上年先清完倉!

      刪除
    9. 難得小猪兄都記得,舊年同屋企人在金錢上有些問題,的確减持了些持股,所以把一啲冇蝕咁多嘅沽了,最后唔洗清倉,但已打亂了自己的計劃,索性連blog也停止更新,依家只有在各師兄blog吹吹水而已,所以我的個人意見大家不用太在意,因為我的投資仍然係好失敗.

      刪除
    10. 我又唔覺好失敗, 大把人失敗過你多多聲(好多人金融海嘯輸到唔敢買股票)

      刪除
  9. 想問問小豬兄:

    179德昌 ,546味精佬 ,1068豬肉佬 ,1174賣魚佬 ,3998波司登

    這些算是非周期嗎?

    回覆刪除
    回覆
    1. 非周期股有個最重要特性, 就係盈利唔會每年大起大落(經濟差都唔會大落, 但經濟好不一定會大起), 長線投資就係要揀盈利可以無視經濟環境一樣賺到大錢既公司, 盈利比較穏定既公司, 所以唔使問係唔係周期股, 你去分析下佢過去每年既盈利變動就大約心中有數, 特別係睇佢經濟危機既年份盈利表現如何.

      非周期股係金融海嘯期間都可以賺大錢(我指公司賺大錢, 唔係股價表現賺大錢).

      刪除
    2. 謝小豬兄指教

      刪除
  10. 回覆
    1. 所以公用股上年跑嬴大市

      刪除
    2. 其實長渣 2 仔, 6 仔, 長線回報都不錯 ^^

      刪除
    3. 沒錯, 非周期股先適合長線投資(長揸). 果位日講夜講長揸既人, 走去長揸周期股, 結果攪到自己多年回報得個吉. 最可惡就係唔去提醒人乜叫周期, 乜鬼都可以買黎長揸發達, 真係勁.

      刪除
    4. 唉....當年學藝未精...跟佢買左隻272...1688....
      到以家仲坐緊...
      我真係痴左線點解25PE 仲去買隻1688....
      只怪自己當時睇得書少....

      刪除
    5. 係你當年中左新手找死式-聽消息跟人買. 所以我都話唔好信一個冇20年以上成功公開真實記錄的人, 但我講左好耐都冇人信, 我既理論仲要比人當冇用, 結果要一個浪去教訓下大家先有人信.

      刪除
    6. 有時我諗尼個浪我學左好多野....我成長不少,當我倉由賺50%....去到負20%...我個心都好靜冇咩點變過...放假就去自修室睇書有D似小豬兄以前....能夠起跌倒中起身得到GE比失去多,知恥近乎勇

      刪除
    7. 最重要係承認自己不足, 錯要認, 活到老學到老. 我看見網上很多人都可以跌倒了認錯後變得更強, 只有那些永不認錯固步自封的人才會沒有進步, 跟從這些人學習真的要自求多福希望市場唔好黎咁多危機.

      刪除
  11. 本年回報 17.5%, 繼續追看小豬文章

    回覆刪除
  12. 本年回報 18.5 %.....終於變番正數.......(汗)

    回覆刪除
    回覆
    1. 經過上年洗禮, 現在可以有正數(保了本)已經好出色.

      刪除
  13. 散戶心理真係奇怪, 跌時又怕會再跌等下先, 升時又怕會跌返又等下先(或者升少少快走), 結果散戶由萬6點等到2萬幾點都要等, 參考點心理極之明顯, 佢地已經忘記左2010年自己點諗.

    回覆刪除
  14. 股票市場最大的敵人就是自己

    回覆刪除
  15. 本年回報18.17%, 總共需要32%的回報才能追回去年的全部損失, 今年運氣不錯, 及時研究小豬文章, 在低位換股, 買入, 增持, 幾乎滿倉, 沽出3818, 增持293,2628等

    回覆刪除
    回覆
    1. 跌25%就要升32%先可以回本, 所以控制虧損比只求大賺重要. 上年的浪是一個很好的學習機會(可能比海嘯更好), 檢討一下對日後投資幫助會很大.

      刪除
  16. 心態永遠最難學.謝謝小豬SIR
    請繼續出文啦~~最多 多d發言-o-

    回覆刪除
  17. 回覆
    1. 看看新手找死十式, 想想自己犯了什麼令上年虧損如此嚴重. 其實我諗如果不接觸衍生工具, 虧損冇理由咁勁!

      刪除
    2. 我一向都話不會選股的人應以指數基金為主力, 我諗經過上年應該不少人明白點解.

      如果我話全部錢死坐指數基金你一定忍唔到手, 所以都係把投資閒錢分成兩份, 一份(大部份)投入指數基金, 一份(小部份)就自行操作, 到你有能力自行操作的小部份有一定成績(起碼跑嬴大市), 才好加大這部份的注碼.

      刪除
  18. 除了衍生工具,全犯了

    回覆刪除
  19. 閤位大師..小弟睇林森池大師的書講及點分析石油股...但睇唔明...希望尋一高人為小弟指點迷津
    http://a2.sphotos.ak.fbcdn.net/hphotos-ak-ash4/432356_10150501573826813_669406812_9126758_1014759184_n.jpg
    上面個樣圖係中海油2010 年報 第128頁
    我引番林森池書入講面講: 假設這些儲藏量,在未來10年要開採完.未來10年的油價是以估值該年年終的市價來參考,加上本身的因素,如石油及天然氣的質素及其可售性,再假設開開採成本不變.假設儲藏量以實現價按現賣出,所得現金會按年用10%的折現率,轉為現時價值的現金流
    咁圖入面10%現現率.D數字點計出黎架(38077)
    書原文http://www.ivy.name/txt/%E8%B4%A2%E7%BB%8F%E7%A7%91%E6%8A%80/%E6%8A%95%E8%B5%84%E7%8E%8B%E9%81%93.txt/26.htmlz

    回覆刪除
    回覆
    1. 你唔明d乜? 唔係計出黎, 係估出黎. 佢估個未來現金流, 再用DCF法(現金流貼現法)去估個價值. 同你講, 全部都係得個估字, 仲有假設開採成本不變跟本不成立(冇通脹架!). 呢一類盈利變動較大既股(周期股), 除非現價與最保守價值相差極大, 否則估完條數都冇乜用.

      同你講巴老當年都只係計到中石油現價與價值相差極大, 買入炒一轉, 到價就走人, 佢都唔會死揸呢d周期股. 現金流貼現法更加不大適合盈利變動大既周期股.

      刪除
  20. 我都知用佢DCF
    但我想知假知未來現金流544336 , 咁10%貼現係點計出38077?

    回覆刪除
    回覆
    1. 跟本唔知, 佢又冇寫貼現年期, 得個貼現率, 又唔知有冇增長率假設, 會唔會附註(3)有寫.

      不過我就唔會深究呢d數, 又唔係數學考試, 比你計到精確無比又如何. 與其精確地錯, 不如模糊地對. 近年一些價投者就係精確地錯.

      刪除
  21. 小豬兄:2468係咁升,打算止賺了嗎? ching

    回覆刪除
    回覆
    1. 點解要止賺? 我3800升左50%都一股未放. 從來止賺理由不是因為升得多, 而是基本因素變差, 價格過高, 比重過大, 或有更好選擇四大原因.

      刪除
    2. 小弟當日買2468都係見股價殘得太過分,宜家見佢彈,多少有d擔心,因為睇基本因素,好似不及712和3800,哈!

      刪除
    3. 你真係識計乜係殘? 你有睇過佢地年報, 行業背景, 公司質素等去了解基本因素?佢地生產乜野產品, 成本幾多又知唔知?

      刪除
    4. 呵呵呵,小豬兄講得0岩,功課確係冇做足,小弟見佢發左盈警穿左一蚊,後來外國行業似有好消息,加埋又有所謂太陽能下鄉概念,先開始留意下。不過睇過一d分析話,太陽能下鄉會比家電下鄉難得多,如果好似歐美,鼓勵民間用使用太陽能發電設備,添置屋頂太陽能板,投資額太大,好難快速普及,裝太陽能發電設備,工程亦唔係換電器咁簡單。

      刪除
    5. 所以早前太陽能價格大幅下跌係好事, 係d人唔用逆向思考去諗. 太陽能過去最大既阻力就係安裝成本貴, 咁如果安裝成本不斷下跌, 跌到同火電價差唔多既時候會點呢?當太陽能電價比火電價平既時候, 呢個就係行業突破點, 到時跟本唔使政府補貼.

      刪除
  22. 今年至今個市好有價值回歸feel

    回覆刪除
  23. "平庸的大量的操作无济于事,随意的轻率的操作甚为有害,只有少数的杰出的操作才能改变人生。"

    呢段話簡直就係總結左我既核心投資理念

    回覆刪除
  24. 電視上都在問止賺位

    回覆刪除
  25. 小豬有無個list可以睇到你個倉? ^.^

    回覆刪除
    回覆
    1. 其實有跟開我blog既人都知我持有乜股. 個list係
      210, 750, 1211, 2468, 2888, 3800, 3998

      刪除
    2. 其實有睇開,有d印象,不過想知道個倉有邊d股
      謝謝您~~

      刪除
    3. 我一般極小換股, 可能年尾都係呢幾隻, 所以好易記.

      刪除
  26. 我不但知道小豬的股, 在研究小豬文章時, 我還把小豬每隻股, 每次增持, 減持的時間, %, 都寫在一 張紙上, 再對照股價圖表, 什麼日線, 周線, 想了解小豬的投資心態, 給了我勇氣在底位行動

    回覆刪除
  27. 豬sir個倉過半股分同環保能源有關
    佔幾多%呢?

    回覆刪除
  28. If I change all the stocks as same as pig sir tomorrow, can win 50% within this year?

    回覆刪除
    回覆
    1. 都係唔知, 人冇預知能力, 唔好問我要預知既野

      刪除
  29. 強攻太陽能股,勁 (關蛇)

    回覆刪除
    回覆
    1. 其實10年已經強攻, 只係11年賣完再攻過.

      刪除
  30. 回覆
    1. 冇研究所以唔識.

      不過長期股價好似坐過山車咁, 不了解就不要買.

      刪除
  31. Thx master Wong 我找到一個很好圖表派明燈

    回覆刪除
    回覆
    1. 我唔係master Wong, 你好似去錯左BLOG留言

      刪除
  32. 分析法第三為圖表派,請注意,不是技術分析派!筆者極少採用那些甚麼RSI,MACD,10日線50日線,因為這些全是滯後指標,20年前已不屑一顧。看圖要如看面相,一看便知龍與鳳!綜合各地股市、商品、匯市和債市,早已得出大市已進入熊三階段,逃也逃不了。歐債美債危機愈鬧愈大,但德美國債收益率卻創歷史新低,金價兌所有主要貨幣亦飆至歷來新高,代表環球避險需求熾熱。雖則金價屢創新高,筆者仍然直覺上感到金價快要難逃插水命運,真正勝利者只有債市。

    廣發期貨副總經理 丁世民

    http://m.on.cc/nc/fin/20110821/20110821001457fi.html

    回覆刪除
  33. 國內傳聞: 港地自由行或會暫停一年

    潛水員觀點:回覆@和風林:[赞]這是算確認消息正確性了!大家有香港零售股要開跑了這一下來50%起碼。 //@潛水員觀點:和昨天轉的消息內容契合。算兩個獨立來源。這樣可以確定消息真實性:)香港零售股和香港地產完蛋。 //@龍蝦帕尼尼: 別添亂就行••••••靠譜

    ◆◆
    @紫火-libin微博达人:據說是來自港辦的消息,有幾條比較重要:港地自由行或會暫停一年;發改委此次把金融中心定上海,定2015趕2017之前;央企駐燦總部未來三年會儘量後撤到前海,IPO之類都會逐步轉移到深圳;深圳直轄開始低調研究;除了獨立,港務一切任其自然,這句話最狠,香港的經濟地位必然下降,話語權會逐步喪失

    http://realforum.zkiz.com/thread.php?tid=29919

    david395

    回覆刪除
  34. 大家今日明白乜叫高追未......

    回覆刪除
  35. 我跟小豬操作, 都在低位

    回覆刪除
  36. 小豬有時間多寫新文

    回覆刪除
  37. 恒生中國內地100指數便剔出李寧(2331)、中國動向(3818)、中國高速傳動(658)與瑞房(272),加入山水水泥(691)、中升(881)、威高(1066)及銀泰百貨(1833)。恒生香港35指數加入銀娛(027),剔走光控(165)。


    本人買中二隻股王, 3818,272, 前者已止蝕

    回覆刪除
    回覆
    1. 新手找死第二式就是聽消息跟人買

      刪除
  38. 由雨潤食品和超大的例子說明, 只要有高度的造數懷疑, 無論價格如何低殘, 歷史財報如何美麗, 散戶都不應買入作投資. (投機或賭博除外)

    回覆刪除
  39. 當熊人博士轉向睇好時, 大家要開始小心了. 真正的牛市陷阱是可以連最後一個淡友都被說服看好的.

    回覆刪除
  40. 用$150買面值$100既鈔票, 然後可以再用幾倍既價格出售炒賣, 呢d先係貨幣泡沫(炒貨幣), 哈哈.

    回覆刪除
    回覆
    1. 豬兄, 咁算吾算另類「印銀紙」呢? ^^

      刪除
    2. 佢印呢批錢一定會註銷同等面值既錢, 但賣出街之後大部份人都係收藏, 所以呢種印銀紙變左係減少貨幣流動性, 有阻降低通脹, 哈哈.

      刪除
    3. 呢種經濟現象幾特別, 哈哈!! ^^

      刪除
  41. Pig sir, who is 熊人博士?

    回覆刪除
  42. 2萬點, 非常平, 恒指P/E不足10倍, 抵!

    回覆刪除
    回覆
    1. 我上年講到而家都話2萬點樓下係好平, 不過2萬點樓下好多人驚到keep現金唔敢買貨, 最後跌到連自稱長線投資者的人都驚到要等下先就見左底!

      好多人都識講價值, 但當價值顯而易見時, 即係芒格所指只有1cm高度時, 大部份人都不敢跳過.

      刪除
    2. 早晨, 豬兄!! ^^

      每次看自稱長線投資者的文章, 都不禁被他那絕對樂觀單純的個性吸引, 尤其是對任何事都用簡單的二分法去理解, 每每在小弟心情屈悶的時候帶給無限歡樂, 他真的做到心中富有呀, 若果大家都可以當客觀現實吾存在, 好似佢咁, 那就世界大同, 個個開心了, 勁呀!

      刪除
    3. 上年已經蝕到要扮忙, 長線組合已經不敢再公開更新. 本來自己的親身長期績效事實比100%投資2800更差, 但就隱惡揚善. 正如科學家實驗失敗, 但聲稱方法成功, 不肯面對現實, 以感性思維去合理化客觀事實的失敗.

      刪除
    4. 佢個種思維, 真係好有丁蟹feel, 會吾會睇得大時代多, 上左腦呀... =_="

      刪除
    5. 睇起大時代, 有一段話好正, 呢d就係感性思維去合理化客觀事實的失敗

      丁蟹︰呢件案o既重點唔係我有冇殺人,而係浪子回頭金不換。
      法官︰我提醒陪審團,呢件案o既重點絕對係被告有冇殺人。
      (丁蟹&法官,結案陳詞)

      刪除
    6. 某人: 投資的重點唔係有冇回報,而係堅持揸實。
      小豬: 我提醒各位投資者,投資的重點絕對係回報。

      刪除
    7. 小豬: 我提醒各位投資者,投資的重點絕對係回報。

      某人: 投資的重點係享受長揸既過程, 同埋幻想中未來的回報。

      刪除
    8. 大時代入面另一段話都好正, 亦係感性思維去合理化客觀事實的失敗

      獄警: 你知吾知你殺左人呀

      丁蟹: 係呀, 我打死人呀, 但無做錯!

      刪除
    9. 你地都係大時代迷!

      刪除
  43. 又係一片懷疑見頂聲中, 清倉的清倉之後, 一野就爆上, 哈哈.

    回覆刪除
    回覆
    1. Follow pig sir, I will get rich

      刪除
    2. 有似曾相識的感覺, 跟2010年好相似.(關蛇)

      刪除
  44. 我就冇預知能力回到未來, 不過可以回到過去, 以下是07年的大行報告.

    "花旗發布研究報告稱, 鑒于中國人壽(2628.HK)投資收益強勁增長及上半年保費收入增加, 花旗維持中壽"買入/低風險"評級, 並調升其股價目標至40.42港元。"

    看了過去, 再看看今天!07年的確聽到很多人說長揸不放實發達, 但之後結果如何大家心中有數.

    回覆刪除
  45. 小豬Sir,
    有盞燈照你既1211喎,怕唔怕?
    http://www.sharpdaily.hk/article/index/15307/20120217/55191

    回覆刪除
    回覆
    1. 乜你冇睇佢之前既操作咩, 升一升就沽空比人夾爆左, 哈哈.

      唔好信佢講, 佢講流料, 1月份係新年(好多日停左工), 銷售數據都已經出埋係好低, 都唔知佢聽邊個講話1月創新高. 呢d道聽途說既傻仔, 可以不理.

      刪除
    2. 有睇到呀,佢嗰次仲俾大C串話幅卡通咁大隻手指,當然夾X爆啦,哈哈.

      刪除
  46. 小豬sir:
    增持2468係因為覺得整固完畢又再開車?
    另請教點睇101的前景,謝!

    回覆刪除
    回覆
    1. 倒不如話升左上去, 我用賺左既部份再投入返去.

      地產股我唔熟唔識

      刪除
  47. 12分鐘特集 唐英年

    http://youtu.be/3_enZovC0u8

    在香港立法會被何秀蘭問及是否要強化社會的貧富懸殊問題。
    唐:「答案好簡單:係。」

    回覆刪除
    回覆
    1. Hi 豬兄, 段片好正, 謝謝分享!! ^^

      實在太多精句, 句句攞命, 配埋招牌招積傻笑, 簡直perfect!!

      話時話, 大家都係豬, 點解一個咁醒, 另一個咁幽默? >3<

      刪除
    2. 事實上豬呢種動物係比貓狗牛羊聰明好多(起碼豬冇色盲), 你真係要見識下野豬有幾勁. 不過家豬就一生出黎有人養, 生活無憂, 惰下惰下未變蠢囉.

      有人可以扮豬食老虎, 有人就扮豬不成反被狼吃.

      刪除
    3. 以前都聼過豬係聰明的動物, 但未有深究. 只係知道係歐洲有人訓練豬去找尋黑松露, 效果好似不俗. 野豬充滿戰鬥力, 好似善於適應惡劣環境, 係嘛? @=@

      最後兩句好正!! ^^

      想請問豬的家庭觀念係咪好重架? 記憶所及, 豬好似會在危難時保護家庭, 吾會推家庭成員去死. 記得好耐以前見過好多豬仔齊齊飲母豬奶, 場面熱鬧又溫馨!!

      刪除
    4. 家是社會中的基本單位, 家不穩, 國必亡. 古語有云修身齊家治國平天下, 連齊家(管理家庭)都做不好, 何德何能去治國. 男性身為傳統中國家庭的支柱, 更加應該負起保護家庭的責任.

      刪除
    5. 豬兄講得好!!

      做男人就要有膊頭!
      保護家庭係天職!

      刪除
  48. 散戶在股票市場一向都係驚兩樣野, 一係驚跌, 另一樣係驚升. 升到驚?無錯, 因為得到愈多, 愈驚失去.

    回覆刪除
  49. 豬兄你好...
    留意左貴blog都一段日子~
    首先恭喜豬兄2012開局已經有很好的回報~

    關於太陽能這一sector...小弟也經常關注
    想請教一下你的睇法..
    成個sector好似一個漏斗形...
    我也覺得只有上游和下游才有值得投資的空間
    縱觀香港上市的~上游只有3800...下游是750...
    而712, 757是中游...
    而2468嗎...應該算是偏向中游加小小下游吧..
    而你買2468除了因為殘...還有是因為它有BIPV的業務?
    還是看中它的離網產品和SUNDIAL??

    另外還想請教你如何看多晶產品和非晶產品之爭..
    以現在的原料價..受益的是750
    只有在多晶原料瘋狂時...3800和2468才比較受惠嗎?

    回覆刪除
    回覆
    1. 看來你都有做不少功課, 哈哈. 無錯, 我係看好2468的BIPV, 同樣750都是BIPV的.

      712和757其實算是上游, 不過主力是單晶, 757有一點中下游業務.

      多晶原料瘋狂其實是對整個行業不利的, 所以不要希望多晶原料瘋狂. 成本和技術才是公司生存的關鍵, 不是產品價格.

      晶和非晶在未來5-10年時間應該都會保持8:2至7:3的市場份額.

      刪除
  50. 哈哈~不敢當~
    相比小豬兄對太陽能行業做的功課只是小巫見大巫~

    其實我覺得太陽能這一sector...
    從估值到行業前景是值得期待的....

    如以港股上市這幾隻太陽能股...
    個人值博率以..2468>712>3800,750>757

    2468上市時pe已不高..也可以腰斬7成下來...
    如果真的如小豬兄所說週期的開始...番幾番是不難的...

    而我唯一不太看好的是757...以佢既規模行上下游一體化...
    成效成疑...

    請教一下小豬兄對以上幾隻太陽能有無一d再深入d既評價尼??
    請指教一下小弟~
    謝謝!

    回覆刪除
    回覆
    1. 評價係競爭力最強係3800, 呢隻都研究唔好, 其他既就唔使諗.

      刪除
    2. 3800 ~ 豬豬, 我有好多蟹貨!:o

      刪除
  51. 大手在1.29買入20000股2468,坐定定等發達

    回覆刪除
    回覆
    1. 新手新死十式, 看來你經過上年都未學識.

      刪除
    2. 此留言已被作者移除。

      刪除
  52. 豬SIR 我見你買D太陽能股有D 上市都唔夠一,兩年
    買長渣股票唔係應該避開尼D冇長期數據參考GE 股票咩???
    我都以家未敢買波斯登...我需要睇多一兩年業績...唔熟唔食

    回覆刪除
    回覆
    1. 我已講明只有非周期股適合長揸, 太陽能是周期股, 買入已經不考慮長揸. 長期數據對非周期股有效性會高, 但對周期股就參考作用不大, 周期股主要看市場周期的. 如果自己能力圈不是在這方面, 當然唔熟唔食.

      刪除
    2. 咁太陽能佔你組合幾多%?

      刪除
  53. 一個好簡單的邏輯問題, 一個人用一個輸身家既價去轟入某股, 然後該股跌至無得輸既價, 之後跟人說自己是無得輸已經立於不敗之地, 大家有何感想, 哈哈. 有時感性思維達到極限就會出現此類邏輯問題.

    回覆刪除
  54. 2468有股東在1.33同1.29左右減持,應該完全唔影響豬兄的部署吧!黎緊北京開兩會應該有挺太陽能政策,到時又有機會炒高....

    回覆刪除
    回覆
    1. 講明此股不確定風險較大, 高位買得多既人今次中招了.

      刪除
  55. 請問北京開兩會係什麼時候的事?
    小豬2468最新的平均價位是多少?

    回覆刪除
    回覆
    1. 自從我朋友在5.8高位一注買入2468後, 我一直留意此股, 直到出盈警才開始買入, 平均價位1.17

      刪除
  56. 跟小豬的平均價位相同

    回覆刪除
  57. 好彩今早無被嚇走
    市值19億,但半年虧6億,條數有d夸張
    請問小豬點睇到太陽能的周期?股價?銷量?還是..?

    回覆刪除
  58. 呢6億係減值, 非現金虧損, 造數技倆就要係業績差時有幾多減幾多, 減盡佢.

    我只係估庫存水平

    回覆刪除
  59. 按往年經驗,北京兩會三月初舉行,開個幾星期.
    小豬sir,如果跌返到落1.15水平,係咪可以再吸2468呢?

    回覆刪除
  60. 「毛利率大降逾半,存貨周轉日急增近半。管理層估計,要到今年底才能完成清除庫存。」
    --之前盈警上已經反映左唔少不利因素,業績提到有關毛利率同庫存部分,係咪同市場預期相差不遠呢?

    回覆刪除
  61. 2468今日放量下趺,豬sir會否重新評估佢?

    回覆刪除
    回覆
    1. 其實早前1.5x時才是放量下趺, 今日係放量, 不過似係升多d. 評估完都係冇野好做.

      刪除
  62. 好久沒看到小豬新文了

    回覆刪除
    回覆
    1. 呢度已經話左無限期休刊
      http://smallpignotes.blogspot.com/2011/11/18-nov-2011.html

      刪除
  63. 請教豬兄點睇德國政府可能減買光伏設備的補貼?對2468及其他太陽能股的影響大嗎?

    回覆刪除
    回覆
    1. 政府減補貼是長遠趨勢, 產品價格都跌了一半以上, 政府不可能不減補貼吧, 我買入的價都已經考慮了減補貼因素. 其實如果你真的不大了解太陽能這行業及個別公司, 請不要投資太陽能股, 我都可能投資失敗的, 不要太相信我.

      刪除
  64. 再次多謝指教,投資要自己負責,亦要多做功課,哈!明白!

    回覆刪除
  65. 豬SIR 請問google excel 入面=GoogleFinance("XXX", "price")
    恒指代號係咩? 我打過HSI 都SHOW唔到出黎,指點指點

    回覆刪除
    回覆
    1. =GoogleFinance(".hsi","price")

      刪除
    2. 豬SIR...請問國指代號係咩
      =GoogleFinance(".hscei","price")
      冇野出...

      刪除
  66. 掂左!!!!!!!!!!!!! THX 豬SIR

    回覆刪除