2012年2月29日星期三

29-Feb-2012 2月回顧

2月開始進入業績期,市場較為觀望,亦成為平淡的月份。

本月對我來說最有趣的現象便是當10個有9個投機者見升追入太陽能股時,結果便是在極短時間之內炒爆了。

近期聽到很多散戶的言論都是說很多股票都開始貴了,但以我的標準,價格只有平、 合理和貴三種,現在只是由平走向合理,還遠不到合理走向貴的時候。參考點心理又再次發揮效用,他們用萬六點作為參考,現價當然"感覺"上是貴。當價格進入了合理區間後,雞犬皆升的日子便會結束,只要市場情緒較為冷靜理性及資金充裕,大多數股票的真正價值都會在這段時期慢慢的得到反映。

其實我見很多散戶投資者都不大理會績效,他們投資(或投機)多年只有極低的複合回報或甚至跑輸通脹,但還會以為自己的投資方法一流,能力超班,真的阿Q精神。投資最重要的目的是保存甚至增強未來購買力,最有效去檢視自己投資績效的指標是長期跑嬴大市,因為大市的長期回報就是地區的長期經濟增長率(長期來說,經濟增長+股票分紅一般都可以長期跑嬴通脹)。

對於沒有優秀選股能力的人,其實最佳策略是以定期定額方式100%投入指數基金(2800或2828)或交給有優秀選股能力的人去代理投資,因為以我觀察很多新手都是因為沒有一開始實行這個策略,亂買股票,結果浪費了十多年光陰,交了十多年學費還不自知。當然很多熱血人士不相信這種策略,認為自己方法一流能力超班,但股票市場存在無數專業精英,如果認為自己是最精英的一群,我不反對自理投資,但大約只有少於1成人可以長期跑嬴大市,5%是最蠢的,5%是最聰明的,90%是自作聰明的。為何最蠢的反而可以長期跑嬴大市?大家自己想想吧。

恒指和當年大眾以為的長揸優質股匯控比較一下,這就是大眾自作聰明的例子。

06-Mar update:
沽清 2888。現價相對股本回報不很吸引,暫時沽出提取現金作為換入其他股份的選擇。
增持 25% 1211。
增持 12% 3800。

07-Mar update:
增持 3% 750。
增持 11% 3800。

09-Mar update:
增持 7% 1211。

13-Mar update:
增持 7% 1211。

14-Mar update:
增持 6% 1211。

19-Mar update:
沽清 3800。依最新業績估值已經不平,加上負債比率十分高,先走為妙。這間公司作為行業的價格破壞者,進取程度果然十分之高。
增持 11% 1211。

20-Mar update:
買入 1234。 估值上有吸引力。

21-Mar update:
增持 50% 1234。

22-Mar update:
增持 20% 1234。

22-Mar update:
增持 20% 1234。

27-Mar update:
減持 27% 2468。昨晚收到風話有高管離職已經心知不妙,今早一開市立沽一部份降低風險,後來果然黎料,股價由地底向地獄進發。餘下的看年中業績再作打算吧。其實此股我已講明是風險較高,我只當是一種試買行為,但不明白為何有人不知死活去all in!
增持 9% 1234。

29-Mar update:
增持 9% 750。

現金 0.17%

198 則留言:

  1. 你好~~小朱兄~
    想請教一下你點睇3800佢進軍埋智慧民宅屋頂光伏系統?
    所有最上游同下游既業務都要染指..
    其實買佢一隻已經足夠了

    回覆刪除
    回覆
    1. 3800一向都有做下游(電廠+光伏系統), 我冇乜意見. 其實下游都有好多細分市場, 電廠, 屋頂電站, BIPV, 離網產品, 智能電網, 儲電系統等.

      刪除
  2. 小妹自上年12月入咗最後一次貨,就無再買賣過,投資原來喺可以咁悠閒的~~

    回覆刪除
    回覆
    1. 其實只要回避哂找死十式, 投資真係可以變得好悠閒. 最忙碌既時間反而係08年,11年. 反過來想, 我希望忙碌多於悠閒, 哈哈.

      刪除
  3. 高盛:比亞迪盈利超預期 檢討目標

    不得不說白痴大行, 分析水準低下.

    回覆刪除
    回覆
    1. 噉都叫超預期,又有借口炒上,無嘢好講...

      刪除
    2. 預期係EPS 0.3-0.5, 結果係0.7(HKD計).

      我意思係呢d大行唔知比亞迪Q4做過d乜, 所以預期錯誤. 我知做過d乜, 所以瘋狂增持....

      刪除
    3. 請問比亞迪q4做過d乜?

      刪除
    4. 你唔知? 新出G6, S6可以賣到斷市, 毛利能力比過去大賣的F3大幅提高, 品質和口碑得到飛躍的進步, 經銷4S店開始整合, 新能源汽車(公交+私交)開始大量盈利等等.............

      刪除
    5. 還有電池業務, apple和三星出貨量大增. 好多人唔知佢同apple和三星造電池, 不過我知.

      刪除
  4. 豬Sir, 這個月太陽能股在美股大跌, 是否會影響您對太陽能前景的看法?

    回覆刪除
    回覆
    1. 美國上市的全都是主力中遊的, 在產業鏈中都是半死不活的部份, 所以不用看美國了, 只有不了解太陽能行業的人才會去投資美股太陽能.

      刪除
    2. 豬Sir, THX for your quick reply.

      刪除
  5. 渣打:今年擬增聘2%至3%人手

    反之見到另一間世界級銀行不斷炒人, 落差真大.

    回覆刪除
  6. 我認同1211的環保能源汽車是很有潛力,但請教豬sir作為價值投資者,買入時點睇該股30倍以上的預測PE?即使用很樂觀的假設,該股的估值看來只是合理而已

    回覆刪除
    回覆
    1. 我一早講過我唔係價值投資者, 乜咁多人誤會. 只可以話周期股有周期股既分析思維, 絕對不是你所想的價值投資法.

      刪除
  7. 找都算係小猪兄所說的散戶之一,05年至11年6年累積回報下跌1成,反而保留強積金11問年了升一倍,今年回報要到6月底再看,估計有一成多回報,6年多好像白做一場

    回覆刪除
    回覆
    1. 你不是唯一一個, 相同甚至更差的例子應該多不勝數. 即使無數的前人驗證了失敗的方法, 但無數的後來者亦不會信服前人的經驗, 人就是天生喜歡冒險嘗試的動物.

      刪除
  8. Buy more 2468 today
    Otto

    回覆刪除
  9. All in 2468,升上1.6就返身
    Otto

    回覆刪除
    回覆
    1. 我想本blog已經不適合你看了, 到了未來某年某月, 到你輸得足夠多時, 再來看本blog吧.

      刪除
  10. 回覆
    1. 理你乜?唔見你有野問喎!

      刪除
    2. 等你輸到仆就理你:P
      Cashier

      刪除
  11. 豬Sir,3800和750佔你组合幾多,平均價幾多?我最睇好3800;成交大又有中投。不過750走勢好正,是否因為政策最受惠?

    回覆刪除
  12. 只可以話兩隻分別大約10-15%比重, 平均價低過現價. 750走勢好正係因為佢係最錯價, 殘得最離譜既一隻, 跟政策最受惠無關.

    回覆刪除
  13. 由HSBC既敗家, 另我諗起巴老既說話. 佢話銀行係幾乎零風險的行業, 但最大的風險來自管理層做傻事, 而他說很多銀行家都喜歡做傻事, 原因我想大家經過金融海嘯後應該好清楚, 就是花紅制度.

    所以選銀行股就是重點要選管理層. 百年基業因管理層做傻事而極速衰敗, 歷史上的例子多的是.

    回覆刪除
  14. 早晨, 豬兄!! ^^

    想當年百年基業何其雄心壯志, 斥巨資買下某些特別資產, 小弟真的不明白, 以其總舵人才濟濟, 擅以守為攻, 何解會不理可估計的風險? 現在最苦的是當年摩頂入貨的小股民!!

    回覆刪除
    回覆
    1. 因為舊管理層要保住自己既花紅地位, 所以新管理層上場我先去試買, 結果新管理層一樣不濟, 可能是內部管理文化真的出現了問題, 換了管理層都只是舊酒新瓶.

      其實這是一個很好的例子證明盲目的長揸優質股行為一樣是高風險, 誰人可以保證一隻股10多20年後是同樣優質?30年前買的人可能還好些, 早幾年買那些又如何呢?只有識於微時的優質股才是真正的優質股, 那些通街C9散戶都知的所謂優質股, 真的有點保留.

      刪除
    2. 「只有識於微時的優質股才是真正的優質股」 -- Like!!

      刪除
  15. 中央放棄保八只是意料中事, 中國正在進行經濟轉型, 由投資出口拉動型經濟轉向內需型經濟, 投資比重會慢慢下降, 過去因投資比重高而暴賺的行業(什麼行業我不提了)在未來會慢慢回歸合理, 其實大家細心留意2010年開始的股市, 這個回歸過程已經在進行中, 所以後知後覺的人在2011年中哂招.

    回覆刪除
  16. 小豬兄, 1211 我都買翻很多.... : ) , 哈哈....

    chcowboy

    回覆刪除
    回覆
    1. 應該未跌夠, 還差少少

      刪除
    2. Why dont u sell it first if u believe it will keep dropping

      刪除
    3. 過去我已經提過n次, 人係冇預知能力去估頂估底, 如果我次次估中, 我今日已經發左達, 所以即使有估計都要必須假設自己會估錯. 咁如果自己估錯, 賣完就一升冇回頭, 咁又點呢. 要處理呢d事就要用money management, 唔係估佢跌就要賣q哂, 估佢升就要all in. 最重要係我不是短炒, 預期的短線走勢不會影響我長線操作的考慮.

      只有賭博心態的人才會去假設自己每次都可以估中.

      刪除
    4. 豬兄, thanks 受教了 X2

      刪除
  17. 小豬,改了回應欄至embed below,典解回應的time stamp是錯的?典搞?

    回覆刪除
    回覆
    1. google自攪既bug, 一係就用返open new windows, 一係就由佢個time stamp錯(代價係有得回覆留言)

      刪除
  18. 豬Sir,是否3800比750吸引?

    回覆刪除
    回覆
    1. 我見你Yesterday buy in 3800 ma, so ask for current price 3800是否比750吸引?

      刪除
    2. 首先, 750比重高過3800, 加碼興趣冇咁大. 第二,我尋日覺得750今日仲有得跌.

      每個人倉位比重不同, 考慮的因素亦會不同, 不要以我的買賣來估計我的想法.

      刪除
  19. will it be better to buy BYD ADR BYDDY?

    回覆刪除
  20. 你好, 小豬SIR, 初次係呢個blog留言, 又一位投資新手(可能你回呢D都回到累)。 雖然我資本好少, 但係係我努力打2份工不易咁儲回來的。 記得當年畢業時, 我還相信政府會為我等小市民打算, 幫助我呢d人脫貧。但係, 我發現事實係殘酷的, 我不理財財不理我... 有幾位朋友沒有我的努力, 到今日依然係月光族, 身無分文, 使我擔憂自己的將來.....

    今日, 我得到6位數的存款, 我希望小心打理, 學一大堆財務知識。睇左幾位高手blog, 知道而家可能係熊市轉牛市既時機。見倒小豬SIR既新手找死十式, 同埋指出對於唔識股票既新手可以投資指數產品既關係, 小弟都係1月時用了50%資產買入了2828以及2800。 幸好現時脹面已錄得盈利。這是要感謝小豬SIR的。

    而剩下的50%, 打算持有20%的現金, 30%再找投資目標。 見倒小豬SIR會話, 分析公司, 用top down process會較為有利。由macro econ -> 管理層 -> 行業 -> biz model -> 報表的方向處理。 小弟睇書, 見到可學層報表的分析方法甚多, 然也知道這為旁枝之技。可是, 教人分析管理層以及BUSINESS MODEL的資源似乎沒有太多! 小弟誠心希望學習分析技考, 未知小豬sir能否為我講解1,2或指引一些註作使我可以去研讀?

    現時我的思量為先於藍籌股及實力股中選擇增加比重的。 暫時目標有 52, 823, 1880, 151。 它們的pe都不低, 但當我睇住1044, 2318等股時, 我知道pe不能教會我甚麼。而這個分析的知識是我所不知道的。

    太長了, 感謝你的閱讀。

    Thomas

    回覆刪除
    回覆
    1. 你有冇睇哂我所有文章?

      你睇間公司過去做過乜, 面對危機時如何處理, 主席/大股東/CEO有冇經常玩財技(配股, 供股, 合股, 押股借錢等), 留意年報的管理層說話, 再去睇是否講得出做得到(聽其言觀其行證明唔係吹水), 留意主席/大股東的傳媒訪問. 好多人連間公司主理者叫乜名都唔知就買, 但我絕對係會深入研究主理者的為人和能力. 不少人以為我係投資公司, 其實我更大程度係投資人.

      商業模式每個行業每間公司都不同, 例如你想知太陽能行業就上網去睇哂所有有關太陽能行業既野, 年報的管理層說話都有不少指引的, 所以我經常叫人睇年報, 不過重點唔係死計年報既數字, 而係管理層對行業和公司未來發展的分析.

      唔知有冇答到你問題?

      刪除
    2. 感謝小豬SIR!! 見倒你回覆真開心。
      岩岩放Lunch 睇倒你回。
      基本上, 呢個blog 既都已經睇完, 不過多數係心法, 我心法未知好唔好, 更加未有招式。 要研究一個行業睇黎係大工程而且無章法可尋, 只有自己浸落去。我印象頗深既係你話買1211係買王傳福。 唔知佢邊一方面可以吸引倒你?

      刪除
    3. 一個唔識揸車既人去做車, 然後攪到今日既成果(當然今日已經識揸車), 你話呢個人能力如何呢.

      刪除
    4. 此留言已被作者移除。

      刪除
    5. 我有睇過佢, 兩個都係汽車狂人, 哈哈.

      其實唔係股神選, 係芒格選的, 既然我係近似芒格投資思維, 佢相中, 我都冇理由唔識去相.

      刪除
  21. 豬Sir,你 catch 750 and 1211 timing 好準wo

    回覆刪除
    回覆
    1. 但我唔高興, 因再跌先對我最有利.

      刪除
  22. The top pk stock in solar is 2468, who all in?

    回覆刪除
  23. 建築節能 750受惠??
    研究下有無相關股

    回覆刪除
  24. 回覆
    1. 但有人當妖股, 哈哈.

      刪除
    2. 好多匿名人成日係達人SIR個BLOG話沽空1211,之後就升,其實都幾好..可能係燈火神秘人..哈哈

      刪除
    3. 講真, 1211又唔係我重倉, 好心d人要寸我都搵我隻重倉黎寸啦. 2468仲係個地底行緊又唔寸, 1211係個底升左倍幾先跌返2成, 有乜好寸.

      刪除
    4. 因為 無得做淡 2468, 所以無得寸. 其實佢地有無真金白銀落去做淡 1211 都未知, 得個講字有鬼用, 係就出 Blog 開個倉黎見見人, 大家比較兩三年已知係龍係蛇

      刪除
  25. 每天來小豬家坐一會

    回覆刪除
  26. 2468 is rubblish, sell it quick

    回覆刪除
  27. Pig sir,
    Is it too late to build up my portfolio now:
    Target:
    1211 x 5000
    3998 x 30000
    750 x 10000
    2800 x 10000
    Thanks

    Kingsin

    回覆刪除
    回覆
    1. 如果你乜都唔知, 我情願你買哂2800.

      刪除
    2. Thanks Pig Sir, but 2800 rise up too slow
      Kingsin

      刪除
    3. Why don't think it drop too slow. If you don't know what's risk, don't buy any stock.

      刪除
    4. Thanks Pig sir, i have 510k, should i put 400k on 2800 and 110 for 1211?
      Kingsin

      刪除
    5. Kingsin: I think you need to ask yourself your risk appetite. Can you bear fluctuations? What is the maximum fluctuation you can tolerate? The fact that you are asking for advice means that you are new to stock market. Not investment advice but Pig Sir is right that you should put them all in 2800 or 2828 in whatever portion you like. This is why Pig Sir says the most smart 5% and the most "stupid" 5% will always win.

      HKfish

      刪除
    6. HKfish: thinks for your answer.

      Kingsin: HKfish is right. Please build up your investment mindset instead of following other's stock.
      If you don't know anything about your target stock, please just buy 2800 or 2828 (or both). This method should be the lowest risk in long term for "新手".

      Please learn more investment skill. Read more investment books. Don't follow other to buy.

      刪除
    7. Why not buy precious metal Silver Reits?

      刪除
  28. 好哋哋做乜變咗明珠台

    回覆刪除
    回覆
    1. Thanks HkFish and Pig sir. Haha... I will All In 2800 and 2828

      刪除
    2. hey man, just wondering y r u so eager to put all bullets into stock market at once? r u serious? do you know the details of 2800 & 2828? anyway, wish you can hit & not miss.

      刪除
    3. 他有點賭博心態, 看到別人賺了錢便心雄, 用"相對"較安全的方法給他接受風險市場的洗禮吧, 人生總有第一次.

      Kingsin: 我講過n次, 記得只可以用閒錢投資.

      刪除
  29. Good Morning, Pig Sir!! ^^

    How are you today?
    AND
    Have a nice weekend!! >3<

    回覆刪除
  30. 最準分色人東哥話波仔pe上16!驚

    回覆刪除
    回覆
    1. 你驚佢太準定係太燈?哈哈

      刪除
    2. 最少20啦!on77

      刪除
  31. 小豬sir你好~ 估唔到個市好似已經跌完咁~ 本身仲想佢跌多D加碼~ 呵呵
    聽日有得休息, 好好睇下飲食業既大家樂, 大快活, 稻香等先=]
    睇佢地既圖勝在夠穩定! 望倒你既比亞迪八十幾蚊去到十幾蚊, 我怕我會暈!

    我唔知我果D係咪叫閒錢, 不過我覺得我都要幫佢地增值!

    Thomas

    回覆刪除
    回覆
    1. 人日日都要食, 所以食係唔怕失去需求.

      刪除
    2. 小豬SIR, 星期日果陣見倒呢個blog 分享~^^

      http://blog.yahoo.com/_W7IRY52UUXB7Z6MXPPNXD2UOR4/articles/107383/category/%E8%82%A1%E7%A5%A8%E7%B6%93

      刪除
    3. 其實佢話"電池技術短期內(最少三年)不能為公司帶來很明顯的盈利貢獻"係錯誤的想法. 由始至今, 電池一直都是公司最賺錢的業務. 講真, 了解公司的人不多, 很多人都只是人云亦云. 只要有人說看好該公司的賣點是新能源業務, 我便知他真的不了解.

      刪除
  32. 大拿拿30萬去供奉比報章去大大隻字質疑某候選人黑金政治, 我諗呢個都算係最明目張膽既黑金囉, 哈哈. 乜而家d學生哥思想咁得意, 被人利用了都不自知.

    回覆刪除
    回覆
    1. Hi 豬兄!! ^^

      好奇一問: 如果佢地發新聞稿 (成本接近免費) 給傳媒, 效果 (使別人知道佢地的評論) 會不會和現時一樣? 以佢地個組織的名氣, 一般傳媒無理由會忽視佢地的言論, 未必會間間都全部刊登, 但摘要就好大機會報導.

      刪除
    2. 當然一定有免費的方法, 這樣高調花錢, 已經犯左瓜田李下, 所以不少人(包括港大學生本身)都質疑他們的動機. 另外, 如果我是港大學生, 我會即時不再交學生會會費.

      刪除
    3. 如果我是港大學生, 我會即時不再交學生會會費. X2
      呢個世界搵錢艱難呀. >_<

      刪除
    4. 原來係用左38萬7550元, 點解早前要報細數話30萬, 明顯出左事已經不能再理直氣壯了.

      刪除
    5. 如果我是港大學生, 我會即時不再交學生會會費. X3
      呢個世界搵錢艱難呀. >_< X2

      刪除
  33. 回覆
    1. Very bad, cut loss all solar stocks tomorrow. Shit.....
      Yb

      刪除
    2. 答你之前, 我想你講下你睇法先.

      刪除
    3. 豬Sir, 3800的業績好似我的想像一樣下半年利潤大跌,下半年只賺7億。看完業績後比較安心是3800好在成本低不用賠錢。希望上下遊成本大跌可以令多些人用太陽能而令業績改善。

      刪除
    4. 3800幾乎冇可能賠錢的, 佢既低成本能力全球第一, 呢一點就係護城河. 正如你所說, 業績都係預期之中, 冇乜特別, 唔算差, 又唔算好. 只有一樣超出我預期, 就係派息增幅高過純利增幅.

      刪除
  34. 警告大家, 消費類新股不要去掂, 因為有些是為了上市亂開店亂壓貨批發去做大條數的. 好運的可以賭中, 不好運的就是今天的博士蛙事件.

    回覆刪除
  35. 1210 Christine barkey okay?

    回覆刪除
    回覆
    1. 上市後一份業績都未出過, 唔使問我, 新股業績變面我見得多. 如果你地要跟人買新股去賭, 其實跟本無必要問ok唔ok, 問下自己夠唔夠運好過.

      刪除
  36. Why not buy precious metal Silver Reits?

    回覆刪除
    回覆
    1. what's the reason why buy it

      刪除
    2. high interest : reits .Precious metal silver easy to understand

      刪除
    3. Can REITS provide the same year return as 2800 in last 10 years?

      In my view, silver is very hard to understand(I cannot estimate its value completely). If you think it is easy to understand, go ahead.

      刪除
  37. All in了2468的朋友請回來

    回覆刪除
    回覆
    1. 話過到佢輸得足夠多時再來看本blog, 估不到一個月不到已經輸得夠多, 又一個看本blog都不肯學新手找死式的人死了.

      刪除
  38. 小猪sir,
    午安~
    請問2468是否轉差?今日出左最近低位,成交相對大了些.

    回覆刪除
    回覆
    1. 唔識答你. 不過我早前已講明此股風險高, 如果大家不了解還要去跟人追入(甚至all in), 後果大家已見. 新手找死式不是亂說的.

      刪除
  39. 小豬, 這個月組合回報下跌7%, 3800成本價2.33, 2468成本價1.17, 記住小豬說的, 不高追, 不賤賣, 控制注碼, 另計劃買入2800, 等2800股息率達3%時, 即21.00樓下, 買入第一注, 每跌10%加倍增持, 越跌越買, 不受比重限制, 每天來小豬家, 溫習舊文, 謝小豬 !

    回覆刪除
    回覆
    1. 對初級投資者而言, 2800和2828應該是投資組合的主力, 其他持股應該保持較細的注碼.

      刪除
  40. 豬sir 你好

    上2個星期轟入了一堆52, 雖然我知道我不應該為短期升幅感到高興, 但見我圴價為12.1 的52使我不禁沾沾自喜... 投資前先了解多一點還是比較好, 感覺不會那麼虛。 可惜此股似乎下跌不易, 不知何時加碼。

    Thomas

    回覆刪除
  41. 新手找死方式
    http://smallpignotes.blogspot.com/search/label/%E6%96%B0%E6%89%8B%E6%89%BE%E6%AD%BB%E5%8D%81%E5%BC%8F

    呢期好似好多人中哂招, 呢十式無數前人的失敗經驗都係好多人唔信, 想親身試過去挑戰下先心息. 我免費提供呢十式, 等大家唔使交咁多學費. 不過做好心不會有好報, 輸左既人都係要搵人黎賴, 唔怪得不斷叫人唔好跟買既人仇口多過不斷點股叫人買既人, 呢個世界真係反智.

    回覆刪除
  42. Hi 豬兄!! ^^

    小弟忍吾住都要出聲, 您用咁多時間, 花咁多心機, 寫成新手找死十式去幫新手, 的人多謝都無句, 仲有的人好似針對您, 有無攪錯呀?! 您處處為人着想, 人家領情嗎?

    小弟忍左好耐, 大家若不喜歡, 請隨便插!

    回覆刪除
  43. 梁國雄去年9月與另外4人衝擊遞補機制論壇,刑毀及擾亂公眾秩序罪成,梁國雄被判即時入獄兩個月,其餘4人入獄3星期。

    上得山多終遇虎, 佢幾次都可以脫罪, 比佢以為點做都冇事, 冇左底線. 就好似賭徒嬴左幾次以為自己技術了得, 愈賭愈大就出事.

    回覆刪除
    回覆
    1. 香港人成日開口埋口都話理性和平爭取
      其實到而家理性和平爭取了些什麼?
      香港也實在 和諧了一點. 保守了一點.

      當然佢地做野激進的方式也不是所有人認同.
      anyway.

      刪除
  44. 我對香港法治真係擔心, 某位知名梁性律師竟然叫被告去找證據證明自己冇罪!乜香港法治精神唔係假定無罪論, 要原告自己搵證據去證明被告有罪咩?連一位自稱維護香港法治精神既律師都可以大陸化(大陸係假定有罪論), 真係悲哀.

    回覆刪除
    回覆
    1. 香港都有 d 法律係 要求被告舉證自己無罪的.

      例如 Tax Law, 稅務局話你逃稅, 你就要證明自己無逃稅
      另外一個例子係 誹謗罪, 你亦都係要證明自己講既野有根據.

      這是法治精神啊!

      刪除
  45. Hi 豬兄!! ^^

    睇個勢好似隻狼會坐上寶座, 真係估吾到, 幾個月前仲以為隻豬贏硬, 隻狼只不過陪跑, 政治既野真係變化萬千!

    回覆刪除
    回覆
    1. 又或者係流選, 之後曾x誠上黎選仲win埋, 哈哈. 眼見市民被傳媒政棍等攪到現今情況, 真係失望. 今次係第一次有背後實力相當的有競爭性選舉, 不論結果如何, 經過今次都應該會對日後民主選舉有很大的幫助. 想想當年台灣走上民主選舉之路, 一樣經過黑得不能再黑的過程到今天的較為清新的氣氛.

      刪除
    2. 同意您的說話!! ^^ 我個人主觀希望會流選, 之後葉劉補中, 講真, 我個個都吾中意, 但若要夾硬揀一個, 我會揀葉劉, 起碼言行一致, 呢幾年有正面轉變, 點都好, 希望2017會好一的. 今次台灣大選真正係君子之爭, 無左以前個種烏煙瘴氣的鬧劇.

      刪除
    3. 其實我唔理邊個當選, 我只想佢可以打壓大財主高高在上的氣焰, 可以減輕社會三大矛盾. 所以我係Anybody but 唐唐, 哈哈.
      見到李+x最近既講話就嘔心, 見到佢d樓更加嘔心, 哈哈

      刪除
    4. 完全同意!! 但請問乜野係社會三大矛盾? @_@

      刪除
    5. 市民和大財主的矛盾, 窮人和有錢人的矛盾, 市民和政府的矛盾

      刪除
    6. 呢三大矛盾呢幾年越演越烈喎... 雖然話我地呢的小市民要自強不息, 自求多福, 但好多現實情況只會令人嘆息...

      刪除
    7. 你睇下我地位曾特首過去做過乜就知點解呢幾年越演越烈. 一個人太過埋富豪堆, 政策就會傾向某邊. 睇下唐唐比成班富豪圍, 我怕佢當選, 未來5年真係要出動防暴, 哈哈.

      刪除
    8. 哈哈, 豬兄您講野辛辣之餘又有幽默!! 小弟吾覺阿曾大人呢幾年有做過乜野喎, 以前港英政府無為而治, 其實背後猛下苦功, 打好基礎! 那時真的是行政主導, 某個圈子的人說話不會太大聲... 記憶中以前係八十年代初也試過小型暴動, 但很快平息, 始終港英政府係實事求是的!!

      刪除
    9. 無錯, 有人以為以前港英政府對香港好好, 其實係67年香港出現暴動, 迫使港英政府要對待好本土人. 67年暴動表面好似係左仔攪事, 但深層問題係港英政府67年前唔理華人死活的, 結果矛盾積壓最終產生暴動. 港英政府為了保障自己的殖民地利益, 只好改變對華人市民的政策.

      刪除
    10. 67年好多人都未出世, 但當年港英政府一樣要出動防暴隊, 所以我見一些人聽防暴隊就想起共產黨, 我真係覺得好笑.

      刪除
    11. 同意!! 但之後港英政府很多很多的德政, 將香港發展成國際城市, 我亦相信佢有攞著數番祖家, 但香港始終無蝕底, 互惠互利, 始終香港好佢地先可從中取利. 但 最令我痛心的是九七後, 自己人當家作主, 結果係點??? 無左所謂既「邪惡的殖民地主義」, 諷刺的是換黎既係一次又一次的失望!! 沒有最差, 只有更差!! 唉... =((

      刪除
    12. 理由好簡單, 港英政府有殖民地利益, 咁港人治港, 呢位港人既利益去左邊呢?以前係英國政府保障自身利益來治港, 所以一切以穩定行先. 港人上場後, 我見到既唔再係港人治港, 而係商人治港, 商人既利益是什麼, 你明吧.

      刪除
    13. 可能防暴隊令人想起六四時的解放軍的行動... 那時小弟天天看電視, 看報紙, 差不多天天落淚... =((

      刪除
    14. 呢d就係無限上綱, 有聯想力係好, 但過度聯想便不能理性分清是非了. 控制感性思維, 增強自身理性分析力, 不但對日常生活, 更對投資有幫助.

      我好似乜野都可以聯想到投資, 哈哈.

      刪除
    15. 完全明白!! 以前港英政府點都會照顧一下小市民的生活需要 (吾多但一定會), 現在呢?!?!?! 好似政府的政策好像和民生無關似的, 有無攪錯?!?!

      刪除
    16. 商人治港的特色. 所以我話Anybody but 唐唐.

      刪除
    17. 哈哈, 咁證明豬兄您好專注於投資, 好事黎呀!! ^^

      刪除
  46. Sir, What i can do if i bought 5000 of 1234 at 8.04?

    回覆刪除
  47. 跟小豬沽出3800, 空歡喜一場, 損失1.4%, 股票變了就得改變原有的想法, 小豬做事果斷, 值得學習, 如果我以前也能做到這樣, 就不會有個股損失超過40%的情況了, 希望慢慢進步

    回覆刪除
    回覆
    1. 我的投資理念理就是不會死揸不放, 如果沒有足夠的數據支持明天會更好, 不確定風險增加之下, 離開是最好的風險管理. 當然如果價格在足夠低的水平去抵消不確定風險, 亦會是不錯的機會. 重點不在於你買了什麼股票, 而是你以什麼價格買入. 不過選價其實比選股更難掌握.

      3800不是公司質素出現問題, 而是價格水平相對風險出現問題.

      刪除
  48. 豬 sir 点解入 1234,不像你作風

    回覆刪除
    回覆
    1. 那方面不像我作風?

      刪除
    2. 昨天更低位無入呢點
      突搜涼粉英

      刪除
    3. 因為唔夠現金入囉, 我唔係無限金錢的!!

      刪除
  49. Hi 豬兄,

    梁振英今天以689票當選, 香港正式進入另一個時代.

    回覆刪除
  50. 早晨豬兄,點睇1211的業績呢?會考慮增持嗎?謝!

    回覆刪除
    回覆
    1. 不再答此類問題, 我不是專家, 問其他財blog專家吧.

      刪除
  51. 見到大家不明所以1210點解跌咁多, 我比大家一個估值計算的參考方法. 業績話EPS係港幣大約0.156, 增長只有9%, 咁我以PEG=1去估佢合理價為9倍PE, $0.156*9=$1.4, 心水情既人明啦.

    回覆刪除
    回覆
    1. 即係話如果大家有睇上市文件, 知道管理層提出的預計增長數字, 大約都知什麼價是合理價. 亂去跟人見突破就高追買入, 真係無言.

      刪除
    2. 那1.4是合理價? thanks

      刪除
    3. 只可以話如果我咁求其都估到1.4, 即係1.4樓上去買變成不安全的買入價. 但絕對不表示1.4樓下就是安全價, 還是看公司質素, 行業環境等. 再次重申, 你不了解, 便不要買.

      刪除
  52. 經過3月, 唔知有幾多人體會到我本文所強調的, 不會選股亂買股票, 不如買哂2800好過呢?

    回覆刪除
    回覆
    1. 經過3月, 利潤剛好跌了50%

      刪除
  53. Pig sir, 我55萬得返42萬,現在𨍭入2800會否太遅?
    Crab 貨包括1210,515,1211,751,3998,868,2722,179,998,2318
    Pk人

    回覆刪除
    回覆
    1. 如果你還有30年打工賺錢的機會, 定期定額買入2800從來都不會遲. 其他貨我不會給意見, 你自行決定吧.

      刪除
  54. 是說42萬現在全𨍭入2800,再每月供2800?
    Thanks
    I am pk人

    回覆刪除
    回覆
    1. 由於我不知你的年紀, 每月收入開支, 總資產有幾多, 理財目標係乜, 加上我唔係理財策劃師, 所以唔識亦唔敢答你. 我只說明一些可以減少投資股票風險的行為和方法, 但不保證賺錢.

      月供指數基金係最啱新手的投資理財方法, 我只建議新資金的投資方法, 舊有的42萬, 最好都是找一名合資格的理財策劃師去幫你研究.

      刪除
  55. 我呢世仔, 第一次買股票有紅股收.

    回覆刪除
    回覆
    1. 恭喜豬兄!! ^^ 咁就祝您黎緊收多的紅股, 鴻運當頭!! >3<

      刪除
  56. 5.8入了10000股750,跌到依家來派紅股有能用

    回覆刪除
    回覆
    1. 咁$3你唔敢買, 升左4成多又點計!不如問下自己不了解之下跟人買有能用?

      刪除
  57. 今年大家有運的話, 可能係香港坐到電動巴士和的士.

    回覆刪除
    回覆
    1. 早晨, 豬兄!! ^^

      2012是轉變年. >3<

      刪除
  58. 經過三月, 覺得爽組合果班人好得意, 升時個個得個勇字, 一面對考驗就死哂. 當中最精彩當然就係嗰位自稱巴菲特追隨者既財演, 簡直係神級操作, 哈哈.

    回覆刪除
  59. 小豬, 2468跌成這樣,就因為高層換馬嗎?

    回覆刪除
  60. 3818全年純利跌93%, 不派息, 現金大減. 一間高息公司落得不派息下場, 大家要明白看歷史息率是沒有用的, 其實此股過去1-2年已經出現了無數警號, 大量人士提示了風險, 不理會風險的人最後求仁得仁吧.

    回覆刪除
    回覆
    1. 3818是我組合中輸錢最多的, 不過早已沽出, 超過40%, 今天2468大跌, 組合下跌0.25%

      刪除
    2. 好彩你沒有跟人愈跌愈買, 沒有死揸蝕40%走算你走運了.

      刪除
  61. 3818是我組合中輸錢最多的,負回報超過40%, 不過早已沽出,今天2468大跌, 組合下跌0.25%

    回覆刪除
  62. 我諗我上年做過最大既好事係出文叫人停止愈跌愈買3818

    回覆刪除
    回覆
    1. 3818剛破52週新低, 現價1.12

      刪除
    2. 0.86全數沽出2468

      刪除
    3. 有人話現金價值1.2係冇得輸, 事實放在眼前. 如果一間公司還在運行是會燒現金的, 如果不了解公司運作, 樂觀以為冇得輸, 結果就是輸到開行. 現在現金價值大約0.6-0.8之間, 我又看看去到什麼價是冇得輸. 我始終覺得一個能力不足的人去教人投資是非常非常危險的不負責任行為.

      刪除
    4. 全數沽出2468是明智, 這些高風險股絕不適合新手.

      刪除
    5. 「投資股票可升可跌,你可以選擇沽出或繼續持有,我會選擇後者。」

      刪除
    6. 到今天竟然提出"沽出"二字, 不去寸別人不識什麼優質股, 長揸必勝等, 看來已經動搖了.

      刪除
    7. 哈哈, 隻股票升時咪話優質股, 長揸必勝, 跟我買就孺子可教囉; 但隻股跌時咪龜縮地話, 可升可跌, 其他人既事關我乜事, 我鍾意收集股票, 吹咩...

      由day one 開始, 我就吾明點解佢套神奇理論: 買股票一定要買完後, 先做幾年超級大閘蟹, 之後就會大升特升, 完成財務自由...

      有時想, 個投資者有可能係做大閘蟹時, 已經激死左, 咁一個死人已經係某層面上達成財務自由, 都已經仙遊了, 那已肯定不再受人世間任何財務束縛...

      刪除
    8. 都係嗰句, 唔識選股選價請定期定額買2800. 我經常提, 好多人就經常唔聽, 最恐怖係集中月供某一股票既人, 同比人老點去買雷曼迷債差唔多, 供到就黎退休一野爆破睇佢地點過世!

      刪除
  63. 完全同意!!!!

    所以小弟好佩服豬兄宅心仁厚, 處處為人著想!! 講真, 小弟呢的投資新手, 資質普通, 年紀不輕, 賺錢能力很低, 不望發達, 只求臨老有瓦遮頭, 粗茶淡飯而已. 投資2800無非求過安穩, 雖有風險, 但仲好過某人成日老點人買埋的神奇股!! 另外, 雷曼迷債係個好例子, 說明要好好學習財經知識. 想當年小弟有個朋友比銀行sell佢買「I kill you later」, 那時這個衍生工具還是新槪念, 但他想清楚後, 即時拒絕, 結果無賴野!

    回覆刪除
  64. 早晨, 豬兄!! ^^ 有事請教:

    大前題係如果有人認定某些股票 (它們的價格由一元至二十元不等)係優質股, 適宜長揸, 十年八載後一定會有極高回報...

    咁點解「中細價股要控制注碼於本金10%之內」?

    如此類推, 咁「中價股」,「中大價股」, 「大價股」的注碼分佈咪可以越來越寬鬆?

    若專持「大價股」, 咁投資者咪可以50-100%持一至二隻「大價股」去「控制風險」? 

    是不是亦暗示「大價股」風險較「中細價股」低?

    本想去問某人, 但不太想遇到「明天再來」等等的特別答案...

    回覆刪除
    回覆
    1. 唔使諗得咁複雜, 好簡單就係比重以你既了解程度而定, 跟大中細價無直接關係. 我講過風險在於不確定性, 自己愈不確定, 風險愈高, 比重當然要愈細. 例如保險股, 巴菲特都講過連行內人都未必完全明白, 更何況我地呢d小散戶, 所以就算佢係大價股, 因為自己不能理解, 所以就係高風險. 例如零售股, 產品簡單直接, 數據易明, 直接看其產品需求已經知風險多大. 好似可樂咁, 件產品深入民心到無可代替, 你話買佢風險有幾大.

      市場上流傳的所謂大價風險低過中細價是因為流動性問題, 而流動性的作用就是逃生, 流動性高便逃生容易, 不會突發跌你數十%然後沒有買家逃生無門. 不過對於只買不賣的人, 可不可以容易逃生已經不重要了.

      刪除
  65. 謝謝豬兄解答!! ^^

    很清楚, 很詳細!! ^0^

    P.S. 可能有bug, 故小弟不能在「回覆」內留言, 而要用「新增留言」內留言. =_=''

    回覆刪除