2012年3月30日星期五

30-Mar-2012 3月回顧

經過1、2月的大升市後,3月跌得死去活來,不少人嘔回前2個月的利潤甚至嘔突。相反理論又再發揮效果,當大升2個月,不少人都高叫牛市重來後,市場便要來個反高潮。我發覺還有不少人吸收不到上年的教訓,還是一如以往的操作,結果3月又來中招大出血。如果大家中招中到要嘔白泡,不妨再深入研究我的新手找死十式吧!

正如我上月所說,雞犬皆升的日子將會結束,市場理性之下,股票價值便會慢慢得到反映。可能有些人以為價值回歸是代表上升,其實價值回歸只是中性詞,可以是升至合理價格,亦可以是跌至合理價格。

本月最大的事件應該是由博士蛙牽頭的民企爆煲風暴,當然有危便有機,事件之後可能出現了不少機會,看大家如何把握。市場出現不少爆煲股,其實可說是合理現象,因為中國正值經濟轉型,加上早年的4萬億後遺症,一些低質低效的公司會變得愈來愈難生存,結果便是這些公司愈來愈容易爆煲。未來可以跑出的公司必是一些成功建立起品牌和高質高效營運的公司,強者愈強,弱者愈弱,買中弱者的人只會愈來愈無運行,買中強者的人,時間才是最好的朋友。轉型由08年金融海嘯已經開始,如果當年有長線投資者看到這個轉變,今天的核心持股應該已經強者在手。否則如果一成不變,還用08年前的中國投資思維,今天可能已經滿手弱者。

本月檢討有分析失誤的地方便是2468的合理估值評估錯了,失敗。對於此類高風險股,估值上應該要更加更加嚴格,最好以估值區間的下方作為買入點會更安全。不過買入前已對主席大股東作了研究,本人暫不認為此股為老千股。早前的高管離職職位是一項新增職位(可有可無),舊有高管沒有改變,太早立論為公司管治問題便太武斷了,或者只是近期的爆煲潮情緒令事件過度反應。不過不確定風險增加了,減持部份持股為合理做法。

本月新買入1234,此股由上市之初已經開始留意,不過上市年期不長,估值又貴,只好忍手。出了業績,有足夠數據,又不覺貴,決定買入。

賭海迷徒 - 第六集 -《冠軍爸爸》
年近四十的Vincent好勝心極強,他自幼熱愛足球,覺得人生就像足球比賽:今次輸了,下次贏回來。父親屢屢告誡他做人要腳踏實地,不要投機取巧,Vincent置若罔聞。

Vincent從死黨Jacky學懂投資金融衍生工具,他認為風險雖高,但回報可觀,正合他的處世原則。Vincent自信心十足,「訓身」高回報投資工具,要為太太和兒子帶來更豐富的物質生活,同時贏取嚴父的稱讚,結果成了賭海迷徒。

金融海嘯掀起股海滔天巨浪,Vincent輸掉所有積蓄、房屋,更甚的,把父親交託的80萬退休金也輸清光,一家三口得寄居在年邁雙親的蝸居之中。這時候,Vincent仍然確信輸掉的東西都可以贏回來,但實情是,他連大好的家庭也快要輸掉了。


72 則留言:

  1. 由曾比富商圍, 到許比大財主包, 大家應該明白為何官商是利益一致了.

    回覆刪除
  2. Agree 利益一致, ......, Wish 振英 become better.

    回覆刪除
  3. 第三!官商利益一致係資本成場的必然定率, 否則好大獲。睇下佢地玩得狼唔狼死, 如果太狼死就一定要整頓。

    回覆刪除
    回覆
    1. 你咁講好似政府不官商勾結, 社會好大獲, 適度的貪污是合理!我說的"官商利益一致"不是你想像的那種建立良好社會營商環境的意思.

      刪除
    2. 我意思當然係 "合法" 之下達成利益一致啦, 任何貪污行為都不能容忍。

      好似美國剛剛否決左要取消石油公司的優惠稅的方案, 人地石油公司年年賺暴利都得, 但共和黨就係投反對票。因為佢地利益一致 lor, haha~~~

      其實香港已經算係好廉潔, 講真就我所知, 如果澳門要執正黎做, 大把黑野可以返出黎。香港地產商都叫做係要出錢投地, 澳門賭場係向政府申請用地 (即係伸手攞地), 你話邊個霸 D?

      刪除
  4. 今次會唔會跌番16000呢?

    回覆刪除
    回覆
    1. 冇人有預知能力, 不過機會極細, 除非出現內銀爆煲潮(政府未看到成功轉型前還不想內銀爆的).

      刪除
  5. 隻老千股旭光終於爆煲?

    回覆刪除
  6. 小猪:1234*2=2468。 means twice worse? :)

    回覆刪除
    回覆
    1. 你想像力真好, 哈. 其實我見到個股票號碼都覺得好攪笑.

      刪除
  7. 旭光盈喜利潤大升, 不過每股盈利大跌, 唔怪得大跌啦, 哈哈. 發盈喜都係呃人, 每股盈利先係主菜.

    回覆刪除
    回覆
    1. 咁真係好誇張喎... =_="

      刪除
    2. 好心佢每股盈利大跌30%以上就出盈警啦, 出乜鬼盈喜, 我諗港交所要改例, 盈喜盈警應該以每股盈利為指標.

      刪除
    3. 嘩! 咁都得?! 好似玩文字遊戲... 咁樣講, 有機會任何上市公司就算蝕錢, 都可以出「盈喜」... 小弟有個奇想: 如果我成功申請三張信用咭, 每張信用額三萬, 那我的個人資產豈不是憑空多了九萬?! =_=""

      刪除
    4. Anyway, 呢間公司既大股東一早已經知係不可靠, 所以我一早已經blacklist左, 只會遠觀, 不會近玩.

      刪除
    5. 謝謝指教!! ^^ 若有您不喜歡的公司, 請隨便分享一下, 等小弟參考參考. ^=^

      刪除
    6. 例如霸王, 見到佢用自己個頭做logo已經感覺不好, 再加上用成虫做代言, 極度不喜歡. 這些未必跟公司質素有關, 但奇妙地公司竟然出事. 我的相人系統未必有科學跟據, 但有幾間我相中不喜歡的人的公司最終都出了事.

      刪除
    7. 謝謝豬兄資料!! ^^ 遲的會吾會有個新系列文章: 「相人系統」? 哈哈!! 記憶中彼得林治好似講過如果個公司名好怪雞的話, 通常可能未必會有好表現. 另外, 自從「小豬金句」後, 都好耐未有新系列喇... 仲等緊您其他金句... ^0^

      刪除
  8. 汽車科技已經進步到出現比自動波更先進的雙離合系統.

    回覆刪除
  9. david395:

    http://blog.sina.com.cn/s/blog_4b43d6a50102dvhp.html

    比亚迪两个战场的坚守与失守

    回覆刪除
  10. 多年前預計的打國銀終於被溫總公開提出, 國家轉型的一大攔路虎, 改革之路慢長哦.

    回覆刪除
    回覆
    1. 早晨, 豬兄!! ^^
      真的是漫漫長路啊!! 通常第一步是最難行的...

      刪除
    2. 國企壟斷性公司低質低效, 把社會經濟效率拖低, 只有民進國退才可避免中等收入陷阱.

      刪除
    3. 豬兄, 請問什麼是中等收入陷阱? ^^

      刪除
    4. http://baike.baidu.com/view/892575.htm

      刪除
  11. 1234正pk, 早知𨍭all in 3998
    機會主義者

    回覆刪除
  12. 1234下望7.16元,有貨好走

    回覆刪除
    回覆
    1. 謝提醒. 不過為何不用7.5那個上升裂口作為下望首站, 穿了7.5才下望7.16吧, 穿了7.16再下望6.

      刪除
  13. 1234及2345今日終於一齊發力

    回覆刪除
    回覆
    1. 條on9仔打錯2468為2345 haha

      刪除
    2. 的確有2345呢隻股, 可能佢想推薦呢隻股比我留意呢, 所以我要多謝佢提醒.

      刪除
    3. 2345 上海集優...2468 打錯成 2345?都好錯下 wor, haha ^-^

      刪除
    4. 我等緊隻5678上市, haha.

      刪除
  14. 回覆
    1. 就算total loss對我整個組合都幾乎冇影響, 所以你都唔使太過關心佢. 如果你想我pk的話, 請天天大叫210 goto 0.1.

      刪除
  15. 唉, 真係吾明白... 與其關心其他人點失敗, 不如用多些時間刨下有乜好股, 話吾埋搵到隻十倍股, 賺到大錢, 到時想下點歎世界仲好啦...

    回覆刪除
    回覆
    1. 因為呢d人現實中已經係失敗者, 只好係虛擬世界尋找一點踩別人的成功感, 另外呢d人有強烈的嫉妒心理.

      刪除
    2. 坦白講, 每個人在現實中或多或少都未必開心...  與其尋找虛擬的快樂, 不如盡力學習投資知識, 展望將來! 寄語那些常常留下「特別訊息」的朋友們, 不如用些時間好好閱讀豬兄的文章, 尤其是新手找死十式, 肯定會有得着! 小弟都是從閱讀豬兄的文章中學習, 自問得益良多! 有時想, 有朝一日大家都在投資世界有正回報, 開開心心, 精神上固然快樂, 而在物質上能解決日常需要, 優化生活質素, 不是很好嗎? 這條路不好走, 滿途荊棘, 但人生又有那一條路是鳥語花香的呢? ^^

      刪除
    3. 又中, 抽水怪一出現, 大市即彈, haha.

      刪除
  16. With Help From Hertz, BYD E6 Makes Inroads in New York and Shenzhen

    http://wheels.blogs.nytimes.com/2012/04/11/with-help-from-hertz-byd-e6-makes-inroads-in-javits-and-shenzhen/?ref=china

    Shenzhen BYD Daimler New Technology Co. Ltd. (BDNT) to lift the veil: Design Concept of joint venture’s electric vehicle will make first public appearance at Auto China 2012 in Beijing

    http://media.daimler.com/dcmedia/0-921-656186-1-1441880-1-0-0-0-0-1-11700-0-0-1-0-0-0-0-0.html?TS=1321967002043
    david395

    回覆刪除
  17. China Flexes Its Economic Prowess in the Caribbean

    http://www.nytimes.com/slideshow/2012/04/05/world/americas/20120406-CARIBBEAN.html?ref=china

    回覆刪除
  18. 有些人,自己都沒顧好,就去顧別人,電視上那些財棍,自己都還沒致富,就走去教人致富....

    回覆刪除
    回覆
    1. 電視上那些財棍正確點講是教人去找死的, 他們的致富方式就是鼓勵羊群去找死, 哈哈.

      刪除
  19. 恕小弟多言, 學習了豬兄文章一段時間之後, 有以下體會:

    1) 注重個人理財的重要性

    2) 盡量減少投資易犯的錯誤

    豬兄好多時也用現實的例子去說明以上兩點, 相當警世實用! 小弟都是從閱讀文章去了解豬兄思維和心態, 除了用苦口婆心去形容外, 實在找不到更貼切的形容詞了.

    回覆刪除
    回覆
    1. 你講得出呢兩點已經知你對我整個投資理財心態悟性最高之人.

      1. 個人理財就是你的糧草(現金流主力), 三軍未動, 糧草先行.
      2. 我由頭到尾其實真係無乜教人點去投資賺錢, 主要都係教人點去避免長期損失, 即係講過好多次既先看風險, 後看賺錢. 無奈新手只是一味想要投資賺錢, 把投資和賺錢看成相等, 後果當然是新手找死. 進入每一個投資項目前不是先考慮會賺多少, 而是必先考慮會蝕多少, 這個虧損是否自己可以承受. 芒格說過, 知道自己將來死在什麼地方, 便永遠不去那兒, 這就是我寫新手找死十式的靈感來源.

      刪除
    2. 小弟只想講自己是好認真去閱讀和學習豬兄您的文章. (仍在學習中... ) ^^

      哈哈, 您的確從沒教人如何投資賺錢, 只有不斷鼓勵做好個人理財!! 就算您主張投資指數基金, 亦本於以下兩個先決條件:

      1) 一定要用閒置資金. 
      閒置資金的定義是10年以上都不可能動用來支付生活開支或負債的資金,即使全部損失掉都不會對生活構成影響。

      2) 新手對股票認識不多, 那就不要買股票, 因為無知是最大風險!!
      但若要「夾硬」開始的話, 理論上風險較低些少的選擇是指數基金, 但請一邊投資, 一邊認真學習. 指數基金亦有可能會大跌的.

      如果網友想學如何投資發達, 那麼他們不會對貴blog有興趣.

      講真, 以小弟愚見, 若果個人理財也做不好, 就盡量不要去想投資的事情了. (小弟也是正在學習改善個人理財... ^=^ )

      P.S. 新手找死十式的寫作風格很像芒格, 哈哈!! ^0^

      刪除
    3. 再次強調, 投資不是為了發達, 只是為了保存或增強未來購買力, 首要目標只係跑嬴通脹, 再其次係跑嬴平均社會經濟增長率(即平均地長期跑嬴大市), 發達就forget it吧. 那些鼓勵長揸注定發達的人, 連投資的正確理念都不清楚, 已經走火入魔了.

      刪除
    4. 完全同意!! ^^

      記得好耐以前您已強調「正見」, 「正思維」係投資理財的核心要義!!

      刪除
    5. 係中庸之道, "中"為平衡, "庸"為正理.

      刪除
    6. 係呀, 中庸之道, 謝謝提醒!! ^^

      刪除
  20. Thanks pig sir ! I puchased 12k (all my money) "210" at 11.48 gogogo
    Mango

    回覆刪除
    回覆
    1. 你已經中左幾招找死式, 祝你好運.

      刪除
    2. 市場消息指,達芙妮<00210.HK>股東Top Glory Assets Limited,減持公司3000萬股,批股價介乎10.8元至11.4元,較今日收市價11.78元,折讓3.2%至8.3%,套現3.24億元至3.42億元。

      大戶賺到笑慢慢減, 散戶忍唔住要去高追接大戶貨. 睇我blog都唔知我講乜, 係我度學唔到野就唔使多謝我.

      刪除
    3. 明顯炒高黎配

      刪除
  21. 回覆
    1. "All In" is not a curse. Actually, following tips from others is the quickest way to go broke.

      刪除
  22. 2468, 1234,210 all dead

    回覆刪除
  23. 回覆
    1. 同我上面講既下望價一樣, 7.5->7.1x->6, 希望到價.

      刪除
    2. I followed u bought at 8.06, what can i do now? Shit!!!!!

      刪除
    3. 幫你唔到, 新手找死式和平時已經強調唔好跟人買, 我唯一推薦的只有定期定額買2800.

      我叫人做的多數人都不會做, 叫人不要做的多數人都踴躍去做, 這就是為什麼9成人都不能長期在股票市場中嬴利.

      刪除
  24. 想請教下, 3998係你股票組合入面佔幾多%%? 同埋你想佢最後係你股票組合入面佔幾多%%? 唔該!!

    KT

    回覆刪除
  25. 1234 7.24; 750 3.89. All dead again

    回覆刪除
    回覆
    1. 你對dead既定義都好攪笑, 聽日再跌未又dead? dead完可以再dead, 咁未即係等於不死? 多謝你讚我d股不死喎, 哈哈.

      刪除
  26. 有時見到班抽水怪既古怪邏輯和言論, 真係可以為我解下悶, 哈哈.

    回覆刪除