及時行樂，死不認錯

今日又講下另一個心理，就係及時行樂，死不認錯。即係話賺少少就走，蝕多多死留。賺10%就走既散戶真係比比皆是，但相反蝕10%就走既真係少之又少。呢d情況係因為人有回避痛苦既心理，當愈升愈高就會產生愈來愈強烈怕回跌賺少左或倒蝕既心理，結果賺少少就急急腳咁走。而相反蝕錢時因為已經係賬面痛苦中，如果止蝕只會變成實際的痛苦，所以為了回避實際的痛苦，就會產生死留等返家鄉既情意結。

大家想想如果每次都賺10%就走，蝕10%死留的話，長期係賺多定蝕多呢？

大家又有冇經歷過呢個心理呢？

又係唔使答我，自己答自己就得。

以上心理又會引申到止賺止蝕既問題，但一般散戶連股票既價值都唔知就買入，佢地又點會知道合理既止賺止蝕位呢﹗