貪婪心理

今日講既散戶心理就係貪婪心理。記得佛祖迦牟尼佛在菩提樹下悟出世間上所有既罪惡都係來自"貪"。貪可以係貪財，貪色，貪食，貪威，貪勝，貪權，貪玩等。而股票市場上出現既就係貪財，貪威同貪勝。

貪財當然就係想賺到盡賺得最多，永遠都想等到最高位才放手，結果不能賺盡反暴蝕。情況有如07年股市泡沫嚴重時還想賺到去4萬點才心息，有些人甚至覺得正股賺得唔夠窩輪多，紛紛走去買窩輪借孖展等，結果就死既死傷既傷，因為貪財而忘記進入市場的風險。
而貪威就係覺得自己英明神武，永遠認為只有自己才是對，特別係當公開左自己既操比其他人之後，因為貪威(面子)而永遠都不會承認錯誤，結果錯失了泡沫嚴重時賣出的機會或愈踩愈深。好多投資者特別係男人都會因為貪威而做出一些言行不一致既事情。
相信好多人聽過貪勝不知輸呢句話，其實以上貪財和貪威既例子之中亦會或多或少包含左貪勝(好勝)既心理。因為要同人比，要嬴人，好似投資比賽一樣，要證明比人睇自己先係真理，結果目光就留意唔到大環境既改變。

大家有冇試過因為貪財而做出無視風險既行為呢？

大家有冇因為貪威(面子)而拒絕別人批評，因而錯過左進步改良(升呢)既機會呢？

大家有冇因為貪勝(好勝)而做出超出自己能力水平既事呢？

大家有冇因為貪財，貪威或貪勝而不能理性思考呢？

大家有冇因為貪財，貪威或貪勝而錯過左一個極好投資機會或進入左一個極差投資項目呢？

大家又可以自己答自己。

我已經提出過不少散戶心理，大家發唔發覺大部份人輸錢都係因為心理問題。