羊群心理

今日講的散戶心理，就係好出名既跟大隊心理，即羊群心理。原因係個人獨立行動會感覺缺乏安全感，而覺得跟大隊就會比較安全，可以減少出錯的風險。投資其實係一件好個人化既事，如果盲目跟風，話乜乜專家買嗰隻喎，去跟，阿邊個高手買呢隻喎，又跟。死跟爛跟，最後可能死左都唔知乜事。記得97年好多人排隊抽新樓，有人見到咁多人排就排埋一份，新聞訪問佢竟然話唔知條隊排乜野。2000年又係有人見到好多人排隊抽tom.com，又唔知頭唔知路死跟。07年又係見好多人話買窩輪好賺過正股，好多散戶又係唔知乜黎照跟。80後90後未必感受過97同2000年既事，但中招者住住都係未能認識歷史又盲目跟從大眾或專家既人。

大家買賣股票有冇盲目聽從別人意見呢？

大家會唔會比市場氣氛影響自己買賣決定呢？

大家買賣股票係聽消息定係個人思考呢？

又係唔使答我，自己答自己就得。