2011年8月3日星期三

03-Aug-2011 不平等遊戲

今天有一項操作。

增持25% 750。爆左回返,再加比重。

近來不斷在0%上下浮沈,都唔知0%係阻力定係支持。

股票投資其實是一種不平等遊戲,因為當你賺到50%利潤之後,只要損失34%就已經變成原地踏步。無論你過去賺了多少次100%,只要有一次損失100%就已經一無所有。每次的成功只是向前一小步,但一次的失敗就會令你倒退一大步,甚至原地踏步。當叻人以為賺錢容易的時候,其實輸錢更容易百倍。要建成一幢摩天大廈要數年時間,但摧毀一幢摩天大廈只要數秒就可以。投資獲利並不困難,最困難是如何在保有資本的情況下穩定獲利。

現金3.4%

倉位本年回報-1.1%。跑嬴恒指3.4%。跑嬴國指4.3%。

21 則留言:

  1. 賺了錢,放入我户口....啦 Ha...aa

    回覆刪除
  2. 比個戶口號碼我, 我入返幾百億地下流通貨幣比你, 哈哈.

    回覆刪除
  3. 投資要先學保本!HAHA
    想當年當老師係偶像連個本都唔理坐定定等發達!直到而家都仲未追得返惜日條數!

    回覆刪除
  4. 坐定定等發達-- 呢句真係經典! 每次阿得道大仙講呢句時, 嗰隻股票就... 唉...

    回覆刪除
  5. 我好耐以前都當燈X同埋奇X係偶像啦, 好在自己夠窮啫, 如果吾係已經輸死左... 世途險惡...

    回覆刪除
  6. 安仔: 唔好理人地, 你有冇保到本先?中肯黎講, 起碼人地咁多年都有數十%回報唔係負數, 如果自己連呢一點都做唔到就唔可以笑人地啦.

    回覆刪除
  7. 燈X同埋奇X時代我已經坐定定偷笑中, 不過當年牛到爆, 就算當時我開blog都冇人信我, 哈哈.

    講真, 如果當年牛三我出個新手新死十式, 我估十個有九個話我傻, 唔L識野, 哈哈.

    回覆刪除
  8. 豬兄既新手找死十式同埋陳Sir既圍棋十訣, 我當係寶!! >3<

    回覆刪除
  9. 今天跌市剛好比你個750入市機會~~~~
    我就繼續等屍拆去$15~~~~呵呵

    P.S.
    易發發發的業績真好過HSBC~~~~有25億美元盈利~~~升20%
    而印度的市場係好奇~~~~以為升的新興市場突然下跌~~~~睇唔通~~~
    易發發發懶印度加息大多~~~~咁都得~~~

    回覆刪除
  10. 印度市場下跌我知道左好耐啦喎, 不過你冇跟開唔知唔奇.
    加息太多會壓低經濟增長, 賺左息, 但會蝕左其他收費, 加上如果息太高, 少人借左錢, 銀行一樣唔會賺多左, 唔好單純以為加息一定好, 睇下內銀就知.

    回覆刪除
  11. 易發發發~~~果然老豬你做足功課
    未出業績、己知印度市場下跌~~~~呵呵
    "勁"

    講起息太高的影響~~~~我就想起80年代的香港~~~如果供樓的話、閒閒地都10幾厘~~~但經濟都係咁繼續抄上~~~~錢一樣照樣大把人借~~~~
    不過時代唔同、唔知可唔可以APPLY落去印度~~~~你點睇呢~~~

    回覆刪除
  12. 小弟曾是燈火的FANS......
    買了173
    幸好買時是水尾,小賺離場。

    回覆刪除
  13. 好懷念173, 記得當日某人的說話, 歷歷在目, 自己當時仲怨自己無錢, 因為呢隻一定會大升! 事後睇番, 好似有人搭緊...

    除左173, 仲有其他好野推介, 但全部都吾掂! 當時我就好奇怪, 以一個聲稱精於計數, 有勇有謀, 連屋邨X社會都可用計智取, 搶其生意, 兩三個月內可搵幾十粒, 其生意頭腦之精, 誠哥都要行埋一邊呀!

    我就吾係好明點解佢自己買既股票, "事後"就話隻隻大升, "事前"比既推介就隻隻賴野...

    我都明白投資係自負盈虧, 人地既貼士只可供參考, 但如果你遇著個有心人呢?

    回覆刪除
  14. 飛鳥: 印度呢個市場我真係唔熟, 只知佢官僚貪污比中國更嚴重, 印度市場增長可以好高, 但同樣風險一樣好大. 加上印度中產太少, 所以我唔會好似其他人咁, 太過睇好印度呢d新興市場. 其實只要集中睇香港已經好夠, 你睇下香港佔渣打和HSBC幾大比重就知.

    回覆刪除
  15. 匿名: 你唔發覺推介既都係細價股低市值股咩. 我新手找死十式中, 玩垃圾其實有時等於玩細價股, 少注玩下可以, 大注投資就唔好諗啦. 如果連投資大價股都賺唔到錢, 細價股更加唔好諗.

    回覆刪除
  16. 多謝小豬sir指教,起碼現在我知道當年發生的事的要點, 人地既諗法好特別啫,如果自己有中庸之道的認知,賴野機會自然會少啲,最緊要自求多福,雖然新人最容易比人昆。

    回覆刪除
  17. 印度加極息都壓唔到通脹,最弊係佢地又賴民主, 一條橋, 一條路也要討論兩三年, 難以從基建或政府開支中來加大投入,美國再嚟個QE3 ,好大機會會滯脹.

    回覆刪除
  18. 所以真是 天祐我國中華 

    回覆刪除
  19. 印度官僚貪污問題嚴重, 呢個就係主因阻礙經濟發展. 有人話印度唔知幾多年後可以超越中國, 我聽完得啖笑. 有時我諗, 如果印度唔係民主政府會點呢, 會唔會效率大大提高呢, 真係不得而知.

    回覆刪除