2011年8月5日星期五

05-Aug-2011 終極一跌?

今天沒有任何操作。

210條下影線真係長得得人驚,就係遲左半分鐘,結果冇左下影線底部增持既機會,睇黎我都係冇本事學某位失蹤了的blogger一樣,可以用電光火石價進行買賣。

今日硬食哂整個跌幅,但倉位回報比起6月時負12%已經算係唔錯,又講多次負12%都未驚,今日驚乜鬼。講真,眼見大量不死牛殺之不盡,心中總有點不是味道,但今天看到全滅,不其然有點興奮,真係有點心理變態。

6月時聽到不少人說要等待終極一跌入貨,但結果6月沒有出現終極一跌。到今天千億成交大跌過千點,大有終極一跌的表象,但已經沒有多少人敢買貨,只是不斷的沽貨。如果買賣是必須要買方和賣方才可以成立,是什麼人用了千多億去買貨呢?

美國十年期國債息率再次跌至海嘯時低位(當年恆指見底時的低位),油價跌穿US$90,這些給到大家什麼啟示?很多人說已經是熊市來臨,但牛二起點191xx並未穿破,又如何決定熊市已經來臨呢?

在股票受到熱追時不去剪股,到跌了又跌再暴跌才去剪股,是否聰明的行為我不敢評論,只知我不會這樣做。除非出現特大系統性風險如金融海嘯時銀行不敢放貸,否則我會全程參與股市,不一定是最好的策略,但對於沒有預知能力的我,不去估底估頂,只集中留意個股是較好的策略。

又再一如習慣,今天又要再次大叫2萬點GOGOGO。

現金2.2%

倉位本年回報-6.7%。跑嬴恒指2.3%。跑嬴國指3.2%。

25 則留言:

  1. 今日做咗笑柄, 周圍比人問輸幾多, 賣哂d股未, 我話一隻都唔賣. 並且等待整固時反手買d靚股. 跟住就比人話仲買, 輸死你.無奈!

    回覆刪除
  2. 你呢個information十分有用, 哈哈

    回覆刪除
  3. 人棄我取~多謝佢先真XD

    我想問大家都係用銀行倉嗎??但我覺得手續費侵蝕能力好高(小的本金好細),用證券行會唔會唔穩陣?!!

    回覆刪除
  4. 可能我平日仇家多, 所以先會比人寸, 呢個info 唔太全面.

    回覆刪除
  5. Mischa_y

    SC Bank does not have minimum charge and its commission rate is 0.2%. I found it very good as i normally will buy one lot only and will buy more if the trend is good

    JT

    回覆刪除
  6. Totally agree with "JT", I also use SCB, good for small amount for every purchase!

    回覆刪除
  7. 小豬兄,我今日沽咗貨, 自2010年頭的第一次, 覺得有啲嘢發生緊, 各國央行都做緊嘢...

    回覆刪除
  8. 我今日無增持現金反而買了少許股,但都不敢大手出擊住,等真係20000點 gogogo 先敢大手出擊!到時小豬要大叫 18000點 gogogo 邪邪佢!

    回覆刪除
  9. Mischa_y: 我都係用渣打, 因為冇最低收費.

    Kubimui: 買賣股票唔好用直覺, 要有理性分析過先好做決定. (或者女性直覺唔同d, 哈哈).

    投資達人:2萬點我個後備資金就會啟動, 不過如果穿191xx, 連牛二起點都穿埋, 到萬8點我都唔知乜世界, 哈哈.

    回覆刪除
  10. 小豬兄
    昨日唔係终極一跌!
    今日8:37AM 標普(S&P)出來降低美國評級,未來12-18月可能再有降級機會!星期一HSI一定受打擊。

    而家其餘兩間早前持負面觀望態度,最怕屋漏偏逢連夜雨,一齊出來申多兩腳!

    呢次真係~滾滾(長乾)東逝水,浪花(屠)盡英雄!大乾中去,狼屠盡><

    回覆刪除
  11. 安仔: 美國downgrade, 終於一天都光哂. 不過係人都知美國一早已經唔係AAA級, 想像變事實係好事定壞事就要留意日後發展.

    回覆刪除
  12. Downgrade 又如何, 難道去買加元和瑞郎, 定係增持黃金, 弓箭手射得出呢支箭, 一定是得到美國政府默許, 他們的債會否有人買, 他們心中有數.

    回覆刪除
  13. 關蛇: 好明顯有人一早收到風沽定貨而暴跌, 美國經濟倒退問題跟本係湮幕. 美債downgrade, 持有美債作為抵押品既機構會受到影響, 我第一時間想到既係銀行. 後事發展相信冇人會有100%肯定會點, 只好見步行步, 重點留意銀行股.

    回覆刪除
  14. 陰謀論.美債調低評級最大損失應該係中國。為了彌補損失可以參與大手沽空。平衡損失。

    回覆刪除
  15. 瘋子: 只可以話係一片混亂

    回覆刪除
  16. 匿名: 調低評級後美元資產地位下跌, 咁人民幣資產地位會唔會提升呢?如果資金流出美元資產, 買金之外, 會買乜資產呢?真係好多可能性, 相信今天冇人可以肯定個結果. 好淡理由我都有, 真係50/50既時候, 哈哈.

    回覆刪除
  17. 小豬會否有反彈就套現金 ?

    回覆刪除
  18. milktea: 歐美資產風險已經提升不少, 所以無必要等反彈就應該剪左部份歐美股套現金. 但人民幣資產我會暫時保持不變.

    回覆刪除
  19. 小豬有行動嗎? 你有何對策 ?今日股市又跌得很恐慌 ? 個個都好似錢, 不要貨.
    我揸住匯豐及中移叫做比較好d,
    其他2,3線股仔, 跌的真是很恐怖.

    回覆刪除
  20. Honey Bee: 我已經答左milktea, 我一開市就剪左部份歐美股(5,2888,330), 其他人民幣資產不變. 其實我重倉既2,3線股跌的唔算恐怖, 起碼6月低位都未穿. 金融股今年真係冇運行, 好彩我策略一直都係輕金融, 重消費.

    回覆刪除