2011年8月24日星期三

24-Aug-2011 安全邊際

今天沒有任何操作。

近年一些過氣股王,散戶愛股等跌得不亦樂乎,有人可能認為是市場恐慌不理性,但以我的估值看,我會視為合理價回歸。以同類型公司比較,如果增長力和競爭力不及對手,還可以享有比對手更高的估值嗎?過去的確出現這種不合理現象,但市場長期來說是有效的,這種不合理現象會慢慢通過價格調整而變得更合理化,今天市場正在進行這種調整。

另外今天發現有人以為新手找死十式是我自創的,其實新手找死十式是我參考無數的前人經過長期的大量失敗所得出的經驗,並不是我天馬行空創作出來的,與其說創作,不如說是真人真事的例子吧。明白的人會行少很多歪路,而不明白的人自會自食其果。如果想用短期的結果來證明此十式為垃圾,只能夠說是經歷得太少太天真無知了,能長期用此十式而能夠安全經歷一個完整的牛熊週期才說吧。

說回正題,看到有人提安全邊際,今天又以此為題吹一吹水。

股票買賣離不開估值,而每位投資人都有自己的估值方法或技巧,本文不會教如何估值,只會提出一些概念上的想法。因為人沒有預知能力,所以估值上必定會出現人為的錯誤,運氣差或世界的變化而出現誤差,所以價值投資人發明了安全邊際(Margin of Safety)這個概念,希望以遠低於其應有價值的價格買入,從而減少估值錯誤時所帶來的損失。當然估值不是一頭半個月的應有價值,而是以年為最少單位,可能是最少一兩年的應有價值。

例如某股估值是$60,現價是$40,它就有50%的安全邊際,價格愈跌,安全邊際愈大。

其實以上例子只說明了安全邊際的一半思意,另一半思意其實是會出現危險邊際,但我發覺很少人提出危險邊際這個概念。

例如某股估值是$60,現價是$90,它就有-67%的安全邊際,換句話說即是67%危險邊際,價格愈升,危險邊際愈大。

有些價值投資人忘記了危險邊際的概念,只買不賣,結果錯失了在極高危險邊際水平賣出的機會。高危險邊際時不想賣,回跌後更不想賣,我相信不少人由恆指3萬點持有股票到現在已經有切身的感受。所以某些概念只學一半就去運用的話真的十分危險,只看到安全邊際的安全,但不知道安全背後是有危險存在。

我想巴菲特買賣中石油的例子是本文最好的注腳。

以上例子只說了個股的安全邊際概念,但如果是以一個組合去考慮的話,操作上又會很不同。

假設組合中有5隻股票,每隻的現價安全邊際分別是5%、30%、50%、20%、30%,明顯5%已經接近不安全,這個時候應該減持5%的,增持50%的,不要以為一定要等個股達到目標估值或出現危險邊際才可以賣。

現金7.4%

倉位本年回報-12.5%。跑嬴恒指3.0%。跑嬴國指6.7%。

22 則留言:

  1. 小豬 ~ 當然又是我...啦 :)

    謝謝!

    回覆刪除
  2. "某股估值是$60,現價是$30,它就有50%的安全邊際,價格愈跌,安全邊際愈大。"

    睇個基金經理本書,50%的安全邊際計算好似系$45,因為$45*150%=$60.

    回覆刪除
  3. 費高: 呢個計法更合理, 我改返先. 不過應該係$40先啱, 40*1.5=60

    回覆刪除
  4. 計算的基礎應是不變的估值,而非變動的價格吧?

    回覆刪除
  5. 計算的基礎應是不變的估值,而非變動的價格吧?

    唔明你個意思, 有沒有例子說明?

    回覆刪除
  6. 你這個想法的前提是自己的估值為絕對正確。但實情卻是,計錯數是常態。

    回覆刪除
  7. CUP: 乜你冇留意我已經寫左"因為人沒有預知能力,所以估值上必定會出現人為的錯誤,運氣差或世界的變化而出現誤差"咩. 寫到明估值係幾乎錯硬喎.

    回覆刪除
  8. 因為人沒有預知能力,所以估值上必定會出現人為的錯誤,運氣差或世界的變化而出現誤差

    ----------

    問題出來了,那就是人為錯誤、誤差多數差到你唔信。

    回覆刪除
  9. 計算的基礎應是不變的估值,而非變動的價格吧?

    唔明你個意思, 有沒有例子說明?
    ---------------------------------
    覺得你原先的概念是對的。若內在估值是60元,那50%的mos應是30元,90%的mos是6元。應以60元的估值為計算MOS的基礎。

    當然,mos概念太虛,資產可以變得一文不值,盈利能力亦可以消失。若散戶能夠liquidate間公司或者不同,但現實並不可能。

    市場並唔係傻既,呢一個跌浪之中,有部份股根本無跌過,有部份股就越跌越有,市場並未有恐慌。

    回覆刪除
  10. CUP: 正確既態度係應該隨市場變化及收集更多資料後而調整估值. 當然有人一開始估完就50年不變, 結果肯定錯到爆, 呢個又係個人功力問題。

    點解巴老可以估得咁準, 其他人又唔得呢, 當然係人既問題, 唔係估值既問題.

    回覆刪除
  11. 匿名: 概念上既野, 我都費事去深究數字問題, 總之明白個方向就得. 呢幾日市場的確並未有恐慌, 上升下跌係合理既.

    最重要明白一點, 市場係動態運行的, 隨機應變, 唔好比某些單一概念困死自己, 所以本文講既野我其實冇100%運用過, 你當係紙上談兵就得

    回覆刪除
  12. 危機邊際 寫的好 ^^ (瘋子)

    回覆刪除
  13. 黃金開始崩盤, 黃金牛三完結?

    回覆刪除
  14. 豬兄, 咁安全邊際好大程度上, 咪係好個人主觀概念化既計算? 既然個人功力係重要因素, 咁已經無話安吾安全, 新手找死十式中的"不知道"已經涵括佢有餘啦! 因為"知道"的定義可淺可深, 若投資人確做到"知道", 佢自自然然識得乜野價位係抵啦, 同埋幾時需要沽出, 所以表面看很簡單, 但內裏有大學問!

    回覆刪除
  15. Vagabond:

    安全邊際係用黎減少估錯損失, 而唔係避免損失. 概念係要盡量以低價買入, 一個$80買, 一個$40買, 現價$20, 邊個損失大d.

    知唔知乜叫自由現金流?知唔知乜叫現金流折現法?公司質素有冇深入去睇?有冇攞幾年財務報表去睇?估值唔係好似某人亂up話十年後$200咁簡單. 連個計法都寫唔到出黎, 你會信咩, 哈哈. 所以好多人明明唔識估值, 但又要扮好勁, 結果你知啦. 巴老估值唔係主觀, 真係計到條約數出黎.

    我冇巴老既本事(當然有人覺得自己勁過巴老), 所以我用動態估值法, 每一日都去檢視或修正估值.

    安全邊際對我黎講唔係好實用(我估巴老現時都唔係點用), 你都係唔好深究

    回覆刪除
  16. 早晨, 豬兄!! ^^

    謝謝指導! 起碼小弟現在對安全邊際有多一點認識.

    您所提出對公司估值的一些問題, 非常重要! 這些問題亦係要達到"知道"的其中一部份! 小弟仲係初哥, 很多問題也不太懂, 正在連番惡補溫習, 我緊記"風險不可怕, 無知最致命"的原則, 此亦係第十式的指導思想, 至於怎樣修練學習, 正在摸索中. 

    當然有人可以憑一己想像, 去創作出某股10年後200蚊既說法, 豬兄, 思覺失調的人永遠都好特別, 無理由要我呢的初哥去幫佢架, 無偈.

    至於什麼係動態估值法, 請您可吾可以詳細講講, 謝謝!

    P.S. 小弟點解咁着緊學野? 因為我都向市場交左學費, 好L肉痛, 事實是我亦犯了新手找死十式中的錯誤, 希望知錯能改, 同市場道歉, 請它refund & "sponsor" my fee in future啫. 哈哈 

    回覆刪除
  17. Louis: 男人老狗叫我豬豬!死開啦, 哈哈.

    回覆刪除
  18. 早晨, 豬兄!! ^^

    今早打了一大段reply, 到而家google系統仲未upload上黎, 真氣人!! >.<"

    回覆刪除
  19. Vagabond: 你個reply太長自動變左垃圾留言, 我已經變返出黎.

    動態估值就係縮短估值年期(例如有人估10年, 我只估1年), 再依市場變化去時刻調整估值, 如果市場或業績或公司體質變差, 估值當然要下調啦. 即係要時刻收集資訊去修正自己最初既估值來增加準確率, 而唔係估完一次就坐定定去等.

    回覆刪除
  20. Thank you 豬兄! >3<

    回覆刪除