27-Sep-2011 動量追貨

今天有二項操作。

增持 5% 210。今朝見隻隻升得佢大跌，話過再跌就動用後備資金，點知入完就升返哂，真係手快有手慢冇！究竟乜人開市被迫要賤賣呢！睇見過收市價，都唔知乜水今日肯$6樓下賣比我。

增持 10% 750。

今天完全是動量追貨的格局，早知要追，何必要賣呢！

今天注入部份後備資金，因為在中途加入現金，為清晰起見，倉位回報計算定義是本年的股本回報率。股本 = 年初結餘 + 年內新增本金。

有些人做法是建立一個倉之後(例如一百萬倉)便不再注入資金，有新資金都會另外建立一個新倉，又或者建立很多個倉。不過我個人認為這種做法不方便管理，所以我只會有一個倉。

有人可能奇怪為何不把後備資金一早當成倉位現金。其實這是一種自我操控心理的技巧，如果一早加入變成倉位現金，我不保險自己可以100%不犯手痕毛病而用盡現金。只要不注入現金，在沒有極端環境之下，心理上是很難動用倉外現金的，無形中就減少了犯手痕的錯誤。

大家如果經常手痕，可以參考我的方法，把一部份投資資金封印起來不動用，只有在極端市況(例如大市PE 9倍還要去沽)又找不到倉中有可沽出或減持增現金的持股後，才去解封倉外投資資金。

今天收到210股息，已加入現金。

現金5.4%

倉位本年股本回報-21.6%。跑輸恆指0.3%。跑嬴國指5.1%。

小豬仔見到市場人士追賣又追買真係好好笑