2011年9月30日星期五

30-Sep-2011 估底

今天沒有操作。

因為8號風,今日期結、月結、季結、大陸長假前迫埋一齊,呢種情況之下市場資金都應該幾混亂。

大市已經跌得不亦樂乎之際,很多人已經開始了估底遊戲,有人估萬6,有人估萬2,有人話一萬點都得,連最牛分析員都話要等終極一跌,究竟底在何處,相信只有神才知道。估底遊戲如此引人入勝,相信就是因為大家都不想輸,就是連$1都不想輸那種。其實股票投資從來就不可能任何時間都$1都不會輸,97金融風暴,沙士,科網爆破,金融海嘯等經濟危機之中,估底遊戲一而再,再而三的出現,但參與估底遊戲之散戶,大多數都無不一而再,再而三的在往後數年出現後悔情緒。"早知沙士買樓啦","早知萬二點入市啦",這些說話大家都應該耳熟能詳了。

但為何又有些人不去估底,可以在沙士時買樓,可以在萬二點入市,因為很簡單的他們知道香港樓宇的最基本價值,股票的最基本價值,即使再跌又如何,最基本價值是不會改變的。當然不是所有樓宇都有一樣價值,例如沙士去買土爪灣舊樓和太古城的分別,亦不是所有股票都有一樣的價值,大家要買土爪灣舊樓級股票還是太古城級股票,看大家的修為了。如果買了土爪灣舊樓級股票,即使沒有塌樓,可能都浪費了十年青春了。

現金5.3%

倉位本年股本回報-20.8%。跑嬴恆指2.8%。跑嬴國指8.9%。

15 則留言:

  1. 真的,跌市中揀優質,跌極都會上番去

    回覆刪除
  2. 小豬sir,點解我login咗blogspot account在自己個blog留唔倒回應?但用匿名就ok喎。我用的是IE8,有冇關係呢?但在你個blog留回應又無問題,可否指教吓?有些人什至用匿名都留唔倒回應,有些人又得,我是否set錯d咩?

    回覆刪除
  3. 亂博: IE8有bug, 你用firefox唔會有呢個問題. 用IE8只有彈出式視窗既留言區冇問題, 用嵌入式會有你講既問題.

    另一個方法係登入時不要選保持登入狀態亦可以解決IE8既問題, 不過就好麻煩. IE8太垃圾, 試下轉用firefox.

    回覆刪除
  4. 請問何為優質股?
    老師果d股都曾經係優質股

    回覆刪除
  5. MI: 一個例子攪掂, 可口可樂係優質股. 就算係大陸, 1044都係優質股. 呢d冇人可以反駁到. 老師果d?算我沒有足夠智慧去解理判斷是否優質, 你問他給你解釋吧.

    回覆刪除
  6. 不過,現階段好像是跌市初期,不少壞消息沒未有浮現出來。
    Sam

    回覆刪除
  7. Sam: 係2萬5千點跌落黎時冇人覺得係跌市初期, 跌左8千幾點先覺得係跌市初期?如果唔知道股票最基本價值, 就算跌多5千點都一樣會有不少壞消息未有浮現出來的感覺. 當然我絕對不是叫人現在去訓身買, 不過現在絕對是要做功課集中留意市場之時, 而唔係好似大部份散戶咁冇眼睇.

    回覆刪除
  8. 謝謝小豬兄提點,明白了,攪掂,謝謝!

    回覆刪除
  9. 我個人覺得若大市再跌, 那小豬兄的3998,336,210,750及2888都難逃跌數, 但也相信小豬兄是認為這些股票現價已很超值之選.
    當然, 跟風者不做功課跟買而輸錢就抵Q死
    242

    回覆刪除
  10. 242: 每個人風險承受能力不同, 我有承受持股再大幅下跌既能力, 跟風者的心理和資產分配水平不一定有足夠的防風能力, 所以不去自我檢討而見人就跌, 結果又係新手找死.

    回覆刪除
  11. 嘩, 今日又跌咁多 . 我要用後備資金.
    首選 : 11 . 2388 . 2800
    (honey bee) ^~^

    回覆刪除
  12. bee: 除左2800, 其實我覺得現價11,2388都係貴, 哈哈.

    回覆刪除
  13. 而家隻隻跌到傷殘咁樣, 11,2388才開始跌無耐, 應該可以再等等執平貨 ! 哈哈
    (bee)

    暫時內銀都不敢掂住 ! 跌到痴線.

    回覆刪除
  14. bee: 內房死->內銀死. 大陸上年政策要同內房搏奕迫死內房, 咁你明啦. 政策一早有, 但散戶視而不見, 結果平完可以再平.

    回覆刪除