2011年10月11日星期二

11-Oct-2011 參考點心理

今天有一項操作。

增持  8% 750。

大陸開始托市行動,對市場氣氛是有幫助,但我認為股價如果沒有真正價值的支持,除非是私有化,否則如何托市都會最終失敗,大家不要被托市影響了理性思考,最終的股價支持不是來自政府,而是實體經濟和企業質素。

-------------------------------------------------------------------------------------------------

昨天的文章幾乎沒有人回應,我想一定是不好看(說了心中之痛?),今天的文章應該是同樣的不好看,但我就是喜歡給大家腦震盪。

早前才說萬6點不敢買,萬7點又怕買貴,今天萬八點了,敢追嗎?其實如果是真正的價值投資人,又為何會認為萬7點是貴呢!記得在2萬點樓上時,有人還說當時某些股很平鼓勵買入,但到萬7點時竟然會說怕買貴了,最靈異事件莫過於此。價值投資已死的確無錯,因為連自稱是價值投資的人都在萬6點時認為要等一等才買,價值投資在他們心中的確已死,只有活在口中。還有如果認為未來恆指可以到達3萬點,但萬七點認為會買貴了,不用等到3萬點,今天已經知道這是白痴的想法!

無論是萬8點跌落萬7點,還是萬6點升上萬7點,萬7點的價值是不會改變的。跌下來的時候,人們參考了萬8點,所以感覺上萬7點是平了,但相反升上去的時候,人們反而參考了萬6點,因此感覺上萬7點是貴了,這就是參考點心理。真正的價值投資人當然不會受參考點影響,因為無論是跌下來還是升上去,價值都是不變的。貴就是貴,平就是平,不可能2萬點樓上是平,2萬點樓下反而變貴了。

正如海嘯時經常聽到的聲音是:"等跌多啲先買啦","等回返先買啦"。結果海嘯後經常聽到的聲音是:"早知萬2點去入貨啦","下次再返海嘯價一定訓身買"。早前一些股已經返回海嘯價,甚至比海嘯價更低價,說這些話的人有訓身去買嗎!沒有,他們只有重複又重複這些說話,正如紙上談兵,口講就天下無敵王道滿天下,但真正發生時就滿腦子都是人性的弱點,什麼價值投資長線投資都會忘記,只有事後才會再次回復記憶,回顧歷史的再次說三道四紙上談兵。

昨天提到的一些價格比較,當中有些是本人持股,大家相信那些持股我都以接近52週低價入了貨嗎(差距在3.5%之內)?巴菲特智慧是應該出手時便勇於出手,為何要等呢?

還有喬布斯精句:Stay hungry. Stay foolish。在投資路上,何時hungry,何時foolish,大家看透了嗎?可以說我是愚蠢的,以"笨"作為我的簡介,大家明了吧!

現金5.2%

倉位本年股本回報-19.1%。跑嬴恆指2.2%。跑嬴國指8.0%。

18 則留言:

  1. 說得好, 有同感, 支持小豬 !

    回覆刪除
  2. 小豬 ! 我萬6點有入貨呀, 那手已經沽出, q手持d現金再等機會.
    其他都是大閘蟹貨. 放埋一邊先.

    我現在忙於唱衰公民黨,你記得不好投票比佢地喎, 知不知呀 ! (HONEY BEE)

    挑戰香港核心利益 公民黨必然慘敗
    http://hk.myblog.yahoo.com/Honey-BeeBee/article?mid=469

    回覆刪除
  3. 謝謝你既文章,小豬兄你講既非常岩,究竟什麼係平係貴,分唔清啦,我一直由2萬點入貨入到2萬3點...仲記得市盈率係12-14左右,當其時個個都話港股甘既市盈係值得投資,因為個個都睇年尾上2萬8至3萬點.依家睇番平同貴都只係相對性.

    雖然由跌市到依家我都未放過一股,而且亦有繼續月供股票(不過就不敢再額外買入股票),不過就開始迷失同懷疑,究竟什麼時候先可以止跌,什麼時候才有曙光...

    回覆刪除
  4. 你唔即時報告買入乜股,點會多人來,你見cup那邊無即市推介都水靜鵝飛
    242

    回覆刪除
  5. Honey Bee: 我一向都叫公民黨收皮.

    匿名: 我一向不支持月供單一股票, 理由請看昨天潮退價比較一文. 我只支持月供指數基金. 如果只是月供指數基金, 請保持月供, 不必理會大市的升升跌跌, 到大市PE 20倍時才作出檢討吧.

    242: 咁又唔係喎, 大師果邊講野同持股十年如一日都好多人回應喎. 證明我講既野 投機者冇興趣,投資者又覺得我係二打六講歪理, 最終只有極極少數好似我一樣咁"笨"既人先肯回返一兩句, 哈哈.

    回覆刪除
  6. 小弟月供939,3988 同A50 3隻,當然全部都負回報中,本來上個月月尾曾考慮將呢3隻CUT晒,全數剩係月供2800一隻.不過又覺得甘做好似唔係甘夠堅持同耐力,有D違背"原以為自己"入左既價值投資教派...所以就唯有維持原狀.

    再講我同你既睇法差不多,不太信亞公甘樣托市,可以挪移乾坤.

    回覆刪除
  7. 我在aviva買的100%中國基金,買個陣agent同我話月供是用平均成本法,但最近大跌時叫我轉債券保本,我真的十分R頭。
    242

    回覆刪除
  8. 謝謝豬兄這些發人深省的文章!! ^^

    -- Vagabond

    回覆刪除
  9. 242: 而家走去轉保本, 叫你個agent收皮啦. 都係果句, 供到PE 20倍先去檢討啦.

    回覆刪除
  10. 原來我真的跟豬sir一樣蠢!!kakaka

    回覆刪除
  11. 匿名: A50係衍生工具基金, 想買中國基金都係買返2828穩當一點. 其實另一個方法係停供939,3988,A50, 新供款以2800為主力. 月供其實更似理財儲錢, 不是價值投資, 不會選股還是先以月供的理財儲錢出發, 價值投資是深奧很多的學問來的.

    回覆刪除
  12. 今天趁反彈清走了三隻大閘蟹, 等調整再補回

    回覆刪除
  13. 小豬兄!請堅持發文,不要停啊!個人非常欣賞你戈份堅持,尤其我發覺你個組合不斷增持太陽能股(750、3800)!如有一定增幅應減些?!

    Sass

    回覆刪除
  14. 謝謝小豬兄回覆,停供939,3988,A50唯有下個月開始...2800用PE 9.88睇都係算係平.
    價值投資的確好難學好難做,要忍手又要堅持信念,仲要有超多子彈做BACKUP...真係講就易做就難. 最後希望你能繼續發文啟發小弟.

    回覆刪除
  15. Sass: 升到我認為係泡沫價, 或見到有更好既又冇錢, 或基本因素變差先會減.

    回覆刪除
  16. 早晨, 豬兄!! ^^

    小弟希望您能寫多些像這兩天類型的文章, 實在發人深省!! Support X unlimited!!

    P.S. 雖然小弟有小小hard sell, 但全發自內心!! ^^

    -- Vagabond

    回覆刪除
  17. 我每天都來看小豬寫的文章, 受益非淺, 非常感謝小豬每天無私的付出, 本人這二天的操作是減磅增現金, 大殺大閘蟹, 留得青山在, 不怕沒柴燒, 希望能在更底位補回, 不知道這操作是否正確, 努力學習中, 再次謝謝小豬!

    回覆刪除